Физибилити студија за реформата на платниот систем во Република Македонија

Во 1997 година Европската Комисија наименува студија за одредување на помошта која таа може да ја обезбеди и истата беше објавена во Секторската оперативна програма на ФАРЕ (СОП) 1997 под наслов "Реформи на платниот систем во Република Македонија".

Документот "Поглавја на договорот" за кој е искажана согласност од страна на Владата, е употребен како основа за подготвување на Физибилити студијата за реформа на платниот систем во Република Македонија.

Физибилити студијата е конципирана во 26 делови.

Во деловите од 1 до 5 опфатен е историјатот на студијата, причините за реформата, целите на студијата и како таа е спроведувана.

Деловите од 6 до 12 во студијата го документираат тековниот платен систем, како и систе процеси и активности кои зависат од заеднички извори. Иако многу од овие процеси се во функција на централниот платен систем регистрирани се како процеси кои мора да се разгледаат во една програма за транзиција.

Во идниот модел за извршување на плаќањата кој е документиран во деловите од 13 до 20 во студијата, ставен е акцент врз централните барања, со цел, плаќањата од уплатувачот до примателот да се направат што поефикасно. Исто така, земени се во предвид и активностите кои не се централни за процесот на плаќање (на пример: дистрибуција на готовината, водење регистри итн.).

Деловите од 21 до 25 ја документираат предложената стратегија за еволвирање од тековниот платен систем кон идниот платен систем.

Поопсежно резиме на Физибилити студија за реформа на платниот систем во Република Македонија (pdf)