Извршен одбор за монетарната политика

Одлуките за монетарната политика ги носи Извршниот одбор, како колективен орган на одлучување, поставен со измените и дополнувањата на Законот за Народната банка од 10 април 2024 година. Извршниот одбор го сочинуваат извршните членови на Советот на Народната банка, односно гувернерот, како претседавач и тројцата вицегувернери.

Со формирањето на Извршниот одбор се укинува Комитетот за оперативна монетарна политика, коешто беше работно тело формирано од Советот на Народната банка и во чии рамки гувернерот и вицегувернерите беа членови со право на глас и одлучуваа за предлозите за поставеноста и оперативното спроведување на монетарната политика. Подетални информации за работењето на Комитетот за оперативна монетарна политика, како и соопштенијата и архивата на седниците се достапни на врската.

Динамиката на одржување на седниците на Извршниот одбор на кој се носат одлуки за монетарната политика е утврдена со Календар, којшто е усогласен со почетокот на периодите на исполнување на задолжителната резерва. Народната банка известува за одлуките за монетарната политика преку соопштенија за јавноста. 

Индикативен календар на седници на Извршниот одбор на кој се носат одлуки за монетарната политика