Практична работа во Народната банка

Им посакуваме добредојде на студенти!

Студентите кои во моментов студираат на првиот циклус студии или на постдипломски студии на високообразовните институции во Република Северна Македонија може да поднесат пријава за вршење практична работа од областа на економијата, правото, информатичките науки и други области во доменот на работата на организациските единици во Народната банка.

Времетраењето на практичната работа е еден месец во текот на летниот период, во јуни, јули или август 2025 година. 

Заинтересираните студенти треба најдоцна до 15 мај 2025 година да го достават:

−     Образецот „Пријава за вршење практична работа во Народната банка на Република Северна Македонија“ којшто може да се преземе овде: (преземи)

Кон Пријавата треба да се достават и:

−     Упатница/Потврда од страна на високообразовната институција за вршење практична работа;

−     Мотивациско писмо (кратко објаснување за областа од работењето на Народната банка за која сте заинтересирани).

Пријавата, пополнета од страна на овластеното лице од Универзитетот и од студентот, заверена со печатот на Универзитетот и со потпис од овластеното лице, како и со потпис на студентот, се доставува до Архивата на Народната банка на Република Северна Македонија или по пошта, со назнака „ЗА ПРАКТИЧНА РАБОТА“.

Наведените документи да се достават на следнава адреса:

Дирекција за управување со човечките ресурси при
Народната банка на Република Северна Македонија
бул. „Кузман Јосифовски-Питу“ бр. 1,
1000 Скопје
Република Северна Македонија

Напомена: Пријавите коишто ќе бидат доставени по истекувањето на наведениот рок нема да бидат земени предвид.

*Студентите кои ќе вршат практична работа во Народната банка ќе бидат известени најдоцна до 23 мај 2025 година.  

Ви благодариме на интересот и соработката!