Pajisja Krahasimi i tarifave ju lejon të krahasoni shpejt dhe me lehtësi tarifat për shërbimet që lidhen me llogari pagesore, si mirëmbajtja e llogarisë pagesore, shfrytëzimi onllajn i shërbimeve që kanë të bëjnë me llogarinë pagesore, transfertat e kreditit në denarë, euro dhe valuta të ndryshme nga euroja, të hyra nga jashtë, urdhëresa të përhershme, lëshimi i kartelave të debitit dhe kreditit, tërheqja e parave të gatshme, si dhe si mbitërheqje të lejuara.
Duke përdorur pajisjen Krahasimi i tarifave, është e mundur të krahasohen tarifat e ngarkuara nga ofruesit e shërbimeve pagesore sipas ofruesit të shërbimit pagesor ose sipas llojit të shërbimit më të përfaqësuar, në varësi të kanalit përkatës të përdorimit të shërbimit (sportel, internet, aplikacioni celular, bankomat).
Më shumë informacion rreth shërbimeve të shfaqura përmes pajisjes Krahasimi i tarifave është i disponueshëm në Fjalorth.
Pajisja Krahasimi i tarifave ju lejon të krahasoni tarifat që lidhen me shërbimet e mëposhtme:
- Mirëmbajtjen e llogarisë pagesore;
- Përdorimin onllajn të shërbimeve në lidhje me llogarinë pagesore – përdorimin e internetit;
- Përdorimin onllajn të shërbimeve në lidhje me llogarinë pagesore – përdorimin e aplikacionit celular;
- Transfertën e kredisë në denarë në vend - pagesat në favor të llogarisë tek ofruesi i shërbimeve pagesore;
- Transfertat e kredissë në denarë në vend – pagesat në favor të llogarisë tek ofrues tjetër i shërbimeve pagesore;
- Transfertat e kredisë në euro jashtë vendit;
- Transfertat e kredisë në valutë të ndryshme nga euro jashtë vendit;
- Të hyrat nga jashtë;
- Urdhëresën e përhershme – pagesën në favor të llogarisë me ofruesin e shërbimeve pagesore;
- Urdhëresën e përhershme – pagesën në favor të llogarisë tek ofrues tjetër i shërbimeve pagesore;
- Lëshimin e kartelës debitore - tarifën e regjistrimit;
- Lëshimin e kartelës debitore – tarifën e anëtarësimit;
- Lëshimin e kartelës kreditore – tarifën e regjistrimit;
- Lëshimin e kartelës kreditore – tarifën e anëtarësimit;
- Tërheqjen e parave të gatshme në të njëjtin ofrues të shërbimeve pagesore;
- Tërheqjen e parave të gatshme tek ofrues tjetër i shërbimeve pagesore në vend;
- Tërheqjen e parave të gatshme tek ofrues tjetër i shërbimeve pagesore jashtë vendit;
- Mbitërheqjen e lejuar – dakordimi për një normë interesi vjetor.
Tarifat përcaktohen nga ofruesit e shërbimeve pagesore, të cilët janë të detyruar të respektojnë kufizimet dhe detyrimet që dalin nga Ligji i Shërbimeve Pagesore dhe Sistemeve Pagesore.
Më shumë informacion rreth secilit prej shërbimeve më përfaqësuese të përfshira në pajisjen Krahasimi i tarifave gjendet në Fjalorth.
Për informacion mbi tarifat e tjera, shihni listat tarifore të secilit prej ofruesve të shërbimeve pagesore, të cilat janë të disponueshme në këtë faqe interneti.
Pajisja Krahasimi i tarifave ofron informacione për tarifat për shërbimet e vendosura në lidhje me llogaritë pagesore të ngarkuara nga bankat dhe kursimoret, institucionet pagesore dhe institucionet e parasë elektronike me seli në Republikën e Maqedonisë së Veriut që kanë marrë leje për të ofruar shërbime pagesore nga Banka Popullore e Republikës së Maqedonisë së Veriut. Më shumë informacion në lidhje me listën e bankave dhe kursimoreve, institucioneve pagesore dhe institucioneve të parasë elektronike me seli në Republikën e Maqedonisë së Veriut që kanë marrë leje për të ofruar shërbime pagesore nga Banka Popullore e Republikës së Maqedonisë së Veriut janë në dispozicion në lidhjet përkatëse:
Bankat
Kursimore
Institucione pagesore
Institucione për para elektronike
Informacioni për tarifat e tjera mund të gjendet në tarifat e secilit ofrues të shërbimit pagesor. Tarifa përmban informacione për tarifat e ngarkuara nga secili prej ofruesve të shërbimeve pagesore dhe është e disponueshme në filialet e tyre, në faqet e tyre të internetit, si dhe në faqen e internetit të Bankës Popullore të Republikës së Maqedonisë së Veriut.
Pajisja Krahasimi i tarifave u mundëson të krahasoni të gjitha tarifat për shërbime të caktuara nga ofrues të shumëfishtë të shërbimeve pagesore. Zgjidhni opsionin “sipas ofruesit të shërbimit pagesor” dhe zgjidhni ofruesit e shërbimeve pagesore, tarifat e të cilëve dëshironi të krahasoni. Ky opsion ju lejon të krahasoni njëkohësisht tarifat e ngarkuara nga deri në tre ofrues të shërbimeve pagesore.
Pajisja Krahasimi i tarifave mundëson krahasimin e tarifave të ngarkuara nga të gjithë ofruesit e shërbimeve pagesore për një ose më shumë nga shërbimet më përfaqësuese. Zgjidhni opsionin “sipas llojit të shërbimit më të përfaqësuar” dhe zgjidhni shërbimet më të përfaqësuara, tarifat e të cilave dëshironi t’i krahasoni. Ky opsion ju lejon të krahasoni njëkohësisht tarifat e ngarkuara nga deri në tre ofrues të shërbimeve pagesore.
Pajisja Krahasimi i tarifave është optimizuar për rezolucion prej 1200 px X 742 px. Për këtë arsye, mund të keni vështirësi në shikimin e rezultateve të kërkimit gjatë përdorimit të telefonit të mençur ose tabletit. Nëse keni vështirësi në shikimin e informacionit, kontrolloni rezolucionin e pajisjes që po përdorni.
Ju mund të shkarkoni të dhënat për të gjitha tarifat në skedar të “Ekselit” (Excel) duke klikuar në butonin
përkatës 
në shiritin e poshtëm të veglave të shfaqura nën opsionet “nga ofruesit e
shërbimeve pagesore” dhe “sipas llojit të shërbimit më përfaqësues”.
Po, mund të printoni rezultatet e kërkimeve të bëra me pajisjen Krahasimi i tarifave për shërbimet
më përfaqësuese duke klikuar butonin përkatës në shiritin e poshtëm të veglave të shfaqur
në 
opsionet “sipas ofruesve të shërbimeve pagesore” dhe “sipas llojit të
shërbimit më përfaqësues”.
Pajisja Krahasimi i tarifave ju lejon të shkarkoni skedarë në formatin .xls me të dhëna për të gjitha
tarifat e ngarkuara nga të gjithë ofruesit e shërbimeve pagesore që ofrojnë shërbimet e përfshira në pajisjen
e krahasimit të tarifave. Për ta bërë këtë, klikoni në butonin “shikoni në eksel”
në shiritin e poshtëm të veglave të paraqitur në opsionet “sipas ofruesve të shërbimeve pagesore” dhe “sipas llojit
të shërbimit më përfaqësues”.
Po. Ofruesit e shërbimeve pagesore janë të detyruar të informojnë Bankën Popullore të Republikës së Maqedonisë së Veriut për çdo ndryshim në informacionin e përfshirë në pajisje, së paku pesë ditë pune para datës në të cilën do të bëhet ndryshimi.
Informacioni deri në të cilin keni qasje përditësohet çdo ditë (në ditët e punës) deri në orën 11, bazuar në informacionin nga dokumentet informative për tarifat e ofruesve të shërbimeve pagesore të dorëzuara në Bankën Popullore të Republikës së Maqedonisë së Veriut. Saktësia, vërtetësia dhe afati kohor i informacionit që përmbahet në dokumentet e informacionit për tarifat është përgjegjësi e ofruesit përkatës të shërbimit pagesore.
Po. Për më shumë informacion mbi çdo ulje të tarifës së shfaqur përmes pajisjes Krahasimi i tarifave, ju lutemi referojuni planeve tarifore të ofruesve të shërbimeve pagesore të disponueshme në këtë faqe interneti, informohuni nga ofruesi i shërbimit pagesor dhe analizoni me kujdes termat dhe kushtet e ofruara përpara nënshkrimit të marrëveshjes kuadër për shërbimet pagesore dhe marrëveshje tjetër për përdorimin e produkteve ose shërbimeve të tjera.
Po. Pajisja Krahasimi i tarifave i tregon tarifat e ngarkuara për të gjitha shërbimet më përfaqësuese dhe këto shuma tashmë përfshijnë taksat në pajtueshmëri me rregullativën ligjore në fuqi.
Ofruesit e shërbimeve pagesore janë përgjegjës për saktësinë, vërtetësinë dhe përditësimin e informacionit të shfaqur përmes pajisjes Krahasimi i tarifave. Nëse vëreni mospajtueshmëri midis shumave të treguara përmes kësaj pajisjese dhe shumës së tarifave që ju ngarkohen nga ofruesi i shërbimit pagesor, mund të paraqisni vërejte tek ofruesi i shërbimit pagesor dhe më pas mund të paraqisni ankesë në Bankën Popullore të Republika e Maqedonisë së Veriut nëpërmjet [email protected]
Nëse nuk përdorni shërbimet pagesore nga ofruesi i shërbimit pagesor dhe vëreni informacion të pasaktë në lidhje me tarifat e publikuara, mund ta raportoni këtë përmes [email protected].
Aplikacioni celular u lejon konsumatorëve të kenë qasje deri te produktet dhe shërbimet e ofruesit të shërbimit pagesor përmes “aplikacionit” të ofruar nga ofruesi i shërbimit pagesor që mund të përdoret nëpërmjet telefonit të mençur ose tabletit.
Kanali i internetit u lejon konsumatorëve të kenë qasje deri te produktet dhe shërbimet e ofruesit të shërbimit pagesor e përmes shfletuesit të interneti, duke përdorur kompjuter, telefon të mençur ose tablet.
Më shumë informacion rreth termave të përdorur në pajisjen Krahasimi i tarifave mund të gjenden në Fjalorth.
Shuma e tarifës e shfaqur përmes pajisjes së Krahasimit të tarifave mund të tarifohet çdo muaj, vjetor ose për transaksion, në varësi të llojit të shërbimit. Për të zbuluar se sa shpesh paguhet tarifa, ju lutemi shikoni informacionin e shfaqur përmes pajisjes Krahasimi i tarifave në fushën “frekuenca e pagesës” tek opsionet “sipas ofruesve të shërbimeve pagesore” dhe “sipas llojit të shërbimit më përfaqësues”.
Shuma e tarifës e shfaqur përmes pajisjes Krahasimi i tarifave është shuma e tarifës vjetore që i ngarkohet mbajtësit të parë, themelor të kartelës debitore. Tarifa e ngarkuar për mbajtësit e tjerë të autorizuar nga mbajtësi kryesor për të përdorur kartelën debitore mund të ndryshojë nga ajo e treguar në këtë pajisje.
Për më shumë informacion mbi tarifat e zbatueshme për mbajtësit e tjerë të kartelave, shikoni tariforen e ofruesit të shërbimit pagesor.