Për të lejuar krahasueshmëri më të madhe të tarifave të cilat i paguajnë ofruesit individualë të shërbimeve pagesore, në pajtim me nenin 184, paragrafi (5) të Ligjit të Shërbimeve Pagesore dhe Sistemit Pagesor, Banka Popullore e Republikës së Maqedonisë së Veriut publikon të dhëna krahasuese të tarifave në lidhje me llogaritë pagesore të renditura në listën e shërbimeve më përfaqësuese.

“Shërbimet më përfaqësuese” janë shërbimet më të përdorura në lidhje me llogarinë pagesore për të cilat përdoruesit e shërbimeve pagesore paguajnë tarifa. Duke marrë parasysh shprehitë dhe nevojat e përdoruesve, Banka Popullore e Republikës së Maqedonisë së Veriut përshkroi terma dhe përkufizime të standardizuara të përshkruara për shërbimet më përfaqësuese të përcaktuara në listë. Në këtë mënyrë, sigurohen informacione uniforme për shumën e tarifave të ngarkuara nga ofruesit e shërbimeve pagesore për grup të standardizuar shërbimesh që përdoren më së shumti.

Tarifat përcaktohen nga ofruesit e shërbimeve pagesore, me çka obligohen të respektojnë kufizimet dhe detyrimet që dalin nga Ligji i Shërbimeve Pagesore dhe Sistemit Pagesor.

Ofruesi i shërbimit pagesor është i detyruar t’i japë konsumatorit informacion mbi tarifat për shërbimet më të përdorura në formën e Dokumentit të informacionit të tarifës (DIT), përpara se konsumatori të marrë përsipër të përdorë shërbimet e tij pagesore për të lidhur marrëveshjen kornizë.

Paraqitja 1 i përmban të gjitha dokumentet aktuale informative për tarifat në Republikën e Maqedonisë së Veriut. Paraqitja 2 mundëson krahasimin e tarifave për shërbimet më përfaqësuese në lidhje me llogaritë pagesore.

Në rast të ndryshimit të disa prej të dhënave dhe informacioneve të publikuara, ofruesit e shërbimeve pagesоre janë të detyruar që menjëherë ta njoftojnë Bankën Popullore të Republikës së Maqedonisë së Veriut, për përditësimin e tyre në kohë. Ofruesit e shërbimeve pagesore janë përgjegjës për saktësinë e të dhënave dhe informacionit, si dhe për dorëzimin e tyre në kohë. Për informacion të pasaktë në lidhje me tarifat e publikuara mund të raportoni në [email protected].