достапно само на англиски јазик

Автори: Билјана Јовановиќ и Даница Уневска-Андонова

Оптимално ниво на девизните резерви во Македонија 

Главната цел во трудот е да се оцени оптималното ниво на девизни резерви во Македонија, при што акцентот е ставен на моделскиот пристап за оценување на адекватното ниво на девизни резерви кој ги зема во предвид корисноста, но и трошковниот аспект од чувањето на девизните резерви. Поконкретно, користен е модел на благосостојба (cost-benefit welfare model) во чии рамки девизните резерви имаат двојна функција: ублажување на негативните ефекти во услови на прекин на капиталните и финансиските приливи од странство (sudden stop) и превентивна улога (адекватно ниво на девизни резерви кое овозможува избегнување на евентуална криза во иднина). Моделот е прилагоден на спецификите на земјата, при што параметрите во моделот се калибрирани и изведени од историските податоци, а дел од теоријата или други емпириски студии. Генерално, резултатите упатуваат дека тековното ниво на девизни резерви не отстапува значајно од моделски оптималното ниво, односно нивото на девизни резерви во последните неколку години е близу, но сепак нешто повисоко од оценетото оптимално ниво. 

Ставовите изложени во авторските материјали се на авторите и не мора да соодветствуваат со ставовите на НБРМ. Ве молиме, при користењето на материјалите соодветно да се цитира изворот/авторите на трудот.