Banka Popullore do të fillojë publikimin e të dhënave tremujore për bilancin e pagesave

Gjatë viteve të fundit, Banka Popullore i kushtoi kujdes të veçantë zgjerimit të disponueshmërisë së të dhënave statistikore për publikun, rrethet akademike dhe profesionale, si dhe për investitorët potencial dhe përdoruesit tjerë nga jashtë, në të gjitha fushat e statistikës që janë brenda juridiksionit të saj. Të dhënat zyrtare statistikore kanë rrol kyç në shoqërinë bashkëkohore dhe ata duhet të jenë të disponueshme për të gjitha përdoruesit në afate të caktuara dhe me kualitet i cili është në pajtim me standardet ndërkombëtare duke pasur parasysh ngarkesën e raportimit mbi sektorin e korporatave. 

Në pjesën e statistikës së bilancit të pagesave, Banka Popullore përdor më shumë lloje të burimeve të të dhënave të cilat kanë dinamikë të ndryshme kohore. Numri më i madh i burimeve janë të disponueshme në bazë mujore, dhe një pjesë e të dhënave mblidhen përmes pyetësorëve të kompanive dhe një pjesë e tyre përfitohen në bazë tremujore ose në raste të caktuara në bazë vjetore. Duke pasur parasysh se Banka Popullore përpunon të dhëna mujore për bilancin e pagesave, për të dhënat të cilat mblidhen në bazë tremujore ishte e nevojshme të bëhen vlerësime mujore të cilat më pas në bazë tremujore zëvendësoheshin me të dhënat e përfituara prej pyetësorëve, qasje që është në pajtime me praktikën ndërkombëtare. 

Në vitet e fundit, integrimi më intensiv tregtar dhe financiar i Republikës së Maqedonisë në trendet globale ekonomike, hyrja e investimeve të reja të huaja në vend dhe kompleksiteti i rritur i lidhjeve ndërmjet kompanive me kapitalin të huaj me kompanitë mëmë dhe brenda grupacioneve të tyre, ishte një sfidë për vlerësimin statistikor të zhvillimeve pagesore të bilance në vend. Kjo, shumë shpesh në të kaluarën rezultonte me revizione më të mëdha në bazë tremujore të të dhënave tanimë të publikuara, që mund të çojë kah vlera më e ulët e përdorimit të të dhënave të publikuara preliminare, dhe jo rrallë edhe në paqartësi tek publiku.  

Me qëllim të shmangies së revizioneve të shpeshta dhe të mëdha të të dhënave statistikore dhe në të njëjtën kohë duke ruajtur ngarkesën e raportimit në nivel të ulët (përmes ruajtjes së dinamikës së dorëzimit të pyetësorëve tremujor, në vend të futjes së pyetësorëve mujor), Banka Popullore vendosi që të publikojë të dhënat për bilancin e pagesave në bazë tremujore. Raportet për bilancin e pagesave do të vazhdojnë të përmbajnë të dhëna mujore të cilat do të publikohen në afat prej 60 ditëve pas mbarimit të tremujorit.  

Publikimi mujor i të dhënave për bilancin e pagesave do të mbarojë më 31 gusht 2017 kur do të publikohen të dhënat për zhvillimet për muajin qershor të vitit 2017 respektivisht për tremujorin e dytë të vitit. Publikimi i të dhënave tremujore për bilancin e pagesave do të fillojë më 20 nëntor 2017, me publikimin e të dhënave për tremujorin e tretë të këtij viti (për muajin korrik, gusht dhe shtator të vitit 2017, veçmas).  

Duke kaluar në mënyrën e re të publikimit të të dhënave, Banka Popullore vazhdon të qëndrojë në pajtim me standardet e rekomanduara statistikore ndërkombëtare të përcaktuara nga Fondi Monetar Ndërkombëtarë dhe Eurostat, dhe në të njëjtën kohë, është në vijë me praktikat e publikimit të këtyre të dhënave të pranishme në më shumë vende evropiane.