Shkup, 25 qershor 2021
Banka Popullore dhe Fakulteti Ekonoimke - Shkup i Universitetit „Sv. Kiril i Metodi“ në Shkup intensifikojnë bashkëpunimin me investime të përbashkëta në kërkime dhe kuadër të ardhshëm cilësor në fushën e ekonomisë, të përgatitur për sfidat e kohës së re të Kovidit dhe pas-Kovidit. Bashkëpunimi do të realizohet gjatë konceptimit të programeve të reja të studimit, me përfshirje aktive të Bankës Popullore në lidhje me njohuritë dhe aftësitë në pjesën e politikës monetare dhe makroekonomike dhe sistemin bankar. Për këtë qëllim do të organizohen edhe tryeza të rrumbullakëta, këshillim dhe forma të tjera të diskutimit në nivel ekspertësh. Punonjësit e Bankës Popullore do të zhvillojnë ligjërata në kapacitetin e lektorëve vizitorë të Fakultetin Ekonomik.
Kjo është një pjesë e asaj që parashikohet me Memorandumin e Bashkëpunimit në fushën e edukimit dhe kërkimit midis Bankës Popullore dhe Fakultetit Ekonomik - Shkup të UKIM-it, të lidhur dje.
„Kriza aktuale globale edhe një herë vuri në dukje nevojën për thellim të bashkëpunimit midis politikëbërësve dhe institucioneve shkencore dhe të arsimit të lartë. Na gëzon fakti që me Fakultetin Ekonomik ndajmë angazhimin e fortë për investimet e këtilla dhe besoj se do t’i arrijmë qëllimet e përbashkëta, të cilat së bashku me investimin në njohuri dhe aftësi të kuadrove të reja, në plan afatmesëm po investohet edhe për të rritur produktivitetin e ekonomisë. Megjithatë, po aq i rëndësishëm, është bashkëpunimi kërkimor, shkëmbimi i mendimeve të ekspertëve, përfshirë konsultimet dhe ekspertiza gjatë projekteve. Prandaj jam e kënaqur që me këtë memorandum parashikojmë përfshirjen e studiuesve të Fakultetit në hulumtimet e Bankës Popullore. Periudha pas-Kovidit do të hapi shumë çështje dhe sfida për të gjithë aktorët e realitetit ekonomik dhe gatishmëria dhe vendosmëria për një bashkëpunim të tillë midis politikëbërësve dhe institucioneve shkencore dhe të arsimit të lartë do të jetë një parakusht për t’iu përgjigjur atyre.“ - theksoi guvernatorja e Bankës Popullore, Anita Angelovska-Bezhoska, pas nënshkrimit të Memorandumit.
„Me traditën e tij 70 vjeçare të angazhimit dhe përsosmërisë në punën e tij, duke ndërtuar dhe thelluar bashkëpunim me institucione të rëndësishme në vendin tonë, Fakulteti Ekonomik i Universitetit „Sv. Kiril i Metodij“ në Shkup, vazhdimisht po përpiqet të përmbushë përpjekjet e tij për të krijuar vlera të qëndrueshme që do të ndikojnë në trendet shoqërore dhe të bëjnë një ndryshim duke kontribuar në ndërtimin e një sistemi të qëndrueshëm në të cilin dija, angazhimi dhe profesionalizmi do të njihen si standarde për sukses në punë. Në këtë drejtim, për ne si një institucion është me rëndësi të madhe që e zyrtarizuam bashkëpunimin me Bankën Popullore të Republikës së Maqedonisë së Veriut përmes nënshkrimit të këtij Memorandumi të bashkëpunimit, i cili është një lloj dëshmie se të dy institucionet kanë të njëjtin qëllim, pra të ndërtojmë një të ardhme të suksesshme duke ndarë përvojën e pasur të të dy palëve, nga e cila do të përfitojmë edhe ne si nënshkrues dhe realizues të aktiviteteve dhe mundësive për bashkëpunim, dhe punonjësit, studentët dhe bashkëpunëtorët tonë, dhe kështu edhe shoqëria si një organizëm i gjallë dhe dinamik. Mundësia e jashtëzakonshme që punonjësit e Bankës Popullore të jenë ligjërues vizitorë brenda leksioneve, gatishmëria e Bankës Popullore për të marrë pjesë në konceptimin e programeve të reja të studimit për nevojat e politikës monetare dhe makroekonomike dhe sistemin bankar që është planifikuar të realizohet përmes takimeve, tryezave të rrumbullakëta, konsultimeve dhe formave të tjera dhe mundësia për konsulta ekspertësh për të punuar në projekte në interes të të dy nënshkruesve është ajo që për ne si Fakulteti Ekonomik - Shkupi është një vlerë e shtuar reale në zbatimin e aktivitetet tona të ardhshme. Në të njëjtën kohë, si një institucion i njohur i arsimit të lartë - „çerdhe e dijes“ ne jemi veçanërisht të nderuar që kemi mundësinë të kontribuojmë në punën e Bankës Popullore, duke siguruar qasje të lirë për punonjësit e saj në kapacitetet tona - bibliotekat, qendrën e informimit të BE-së dhe bazat e të dhënave të revistave, duke ofruar në të njëjtën kohë mundësinë për të marrë pjesë në trajnime, punëtori, seminare të organizuara sipas nevojave të tyre në fusha të specializuara. Jam i bindur se si tani ashtu edhe në të ardhmen, bashkëpunimi ynë do të tregojë dhe dëshmojë se vetëm përmes bashkimit dhe përmes ndarjes dhe shkëmbimit të përvojave është e mundur të ecim përpara, drejt sfidave të reja dhe projekteve të suksesshme“ - theksoi dekani i Fakultetit Ekonomik - Shkup të UKIMI-t, prof. Dr. Predrag Trpeski.
Ndryshe, Memorandumi parasheh edhe bashkëpunim gjatë organizimit të konferencave dhe punëtorive dhe bashkëpunim në sigurimin e ekspertëve për zbatimin e procesit të vlerësimit të projekteve hulumtuese.
Memorandumi tashmë ka hyrë në fuqi dhe ka një kohëzgjatje prej 5 vjetësh, por siç u theksua në ngjarje, mbi të gjitha është e rëndësishme gatishmëria dhe vendosmëria e ty dy institucioneve që menjëherë të fillojnë aktivitetet të cilat nënkuptojnë zbatimin e tij praktik që do të jetë një përfitim për të gjithë ekonomitë.