Shkup, 19 mars 2021
Do të intensifikohen investimet e përbashkëta në hulumtime ekonomike dhe në përmirësimin e njohurive dhe aftësive të ekonomistëve të ardhshëm, si dhe atyre që do të vazhdojnë studimin e tyre me studime të ciklit të dytë dhe të tretë në fushën e ekonomisë. Me këtë do të jepet një kontribut i përbashkët për forcimin e mëtejshëm të ekonomisë - nga njëra anë duke pasur parasysh rëndësinë thelbësore të kërkimeve ekonomike për zbatimin e politikave, dhe nga ana tjetër, investimet në staf të kualifikuar që mund të investojë më tej në rrjedhat ekonomike dhe në kapacitetet institucionale.
Këto janë një pjesë e konstatimeve nga takimi i guvernatores Anita Angelovska-Bezhoska dhe viceguvernatorëve të Bankës Popullore me dekanin e Fakultetit Ekonomik - Shkup të Universitetit „Shën Kirili dhe Metodi“ në Shkup, prof. dr Predrag Trpeski dhe prodekani, prof. dr Mijalçe Santa.
Në takim, ndër të tjera, u diskutua për çështjet ekonomike për të cilat, në periudhën e ardhshme do të zbatohen hulumtime të përbashkëta nga të dy institucionet, që pritet të rezultojnë edhe me punime të publikuara hulumtuese, të cilat jo vetëm që do të përqendrohen në analizën e mëtejshme të ekonomisë maqedonase, por do të jenë në funksion të përmirësimit të kushteve për marrjen e vendimeve nga politikëbërësit në fushën ekonomike.
Veçmas u bisedua edhe për sfidat me përparimin e mëtejshëm të programeve arsimore të Fakultetit Ekonomik, në mënyrë që studentët të njihem më mirë me tendencat ndërkombëtarë dhe të përgatiten më mirë për aspektet praktike që janë thelbësore pas diplomimit, përfshirë edhe në aspektin e aktivitetit kërkimor. Me këtë do të investohet edhe përmirësimin e situatës në tregun e punës, që është në interes të ekonomisë në tërësi.
Në takim u theksua se përgatitja e programeve të reja arsimore të Fakultetit Ekonomik - Shkup në USHKM-së është paraparë të zhvillohet si një proces gjithëpërfshirës dhe u ra dakord që edhe Banka Popullore të përfshihet në aktivitete me pikëpamjet e saj eksperte. Siç u tha, në plan afatmesëm dhe afatgjatë, ky është një investim në kapacitetin institucional të Bankës Popullore, duke pasur parasysh, praktikën e dyerve të hapura për studentët më të mirë në fakultetet ekonomike, e cila është një përpjekje në bankat qendrore të vendeve të zhvilluara.
Në takim, dekani Trpeski i dorëzoi guvernatores Angelovska-Bezhoska pllakën e akorduar për Banën Popullore me rastin e 70 vjetorit të themelimit të Fakultetit Ekonomik - Shkup, për kontribut të veçantë në zhvillimin e Fakultetit.
