Shkup, 13 korrik 2021
"Përfshirja më e madhe e gruas në sektorin bankar dhe në të gjitha segmentet e shoqërisë, sjell përfitime të shumta ekonomike për shoqërinë në tërësi. "Hulumtimet mbi komunitetin bankar qendror tregojnë se pjesëmarrja më e madhe e gruas në organet vendimmarrëse të politikës monetare nënkupton një nivel më të lartë të stabilitetit të çmimeve" tha guvernatorja e Bankës Popullore Anita Angelovska-Bezhoska në një intervistë për revistën dokumentare "Приказна" kushtuar gruas në sektorin bankar.
Revista dokumentare theksoi se Banka Popullore është një shembull pozitiv i përfshirjes së gruas, si në aspektin e përfaqësimit të tyre në strukturën e përgjithshme dhe menaxhuese, ashtu edhe në aspektin e vlerësimit të punës së tyre.
"Banka qendrore është një shembull i mirë i përfaqësimit gjinor. Pjesa e grave në numrin e përgjithshëm të punonjësve është rreth 60%. Pjesëmarrja në strukturat menaxhuese është afër 70%. Kjo konstatim është i rëndësishme për të gjitha nivelet e menaxhimit - ne kemi udhëheqje operacionale, taktike dhe strategjike. Në korniza të lidershipit strategjik, nga tre vice-guvernatorë, dy janë gra. Dua të theksoj se propozimi për zgjedhjen e tyre në Kuvend, i paraqitur nga unë, nuk ishte sepse ato janë gra, por sepse kanë kualifikimet e duhura, janë të përshtatshme dhe të gatshme t'u përgjigjen pozicioneve të tilla me përgjegjësi të lartë"- tha Angelovska- Bezhoska.
Megjithatë, situata me përfaqësimin e gruas në strukturat drejtuese në sektorin bankar në vendin tonë është e ndryshme. Pjesëmarrja e gruas në bordet drejtuese dhe mbikëqyrëse tek bankat në vendin tonë është rreth 30%, ku, në disa banka gratë nuk përfaqësohen fare në menaxhim, gjegjësisht në bordet mbikëqyrëse. Situata në suaza ndërkombëtare nuk është shumë e ndryshme, pra sipas Indeksit të Barazisë Gjinore të OMFIF, gratë marrin pjesë mesatarisht me 23% në menaxhim dhe 30% në bordet mbikëqyrëse të sektorit bankar.
"Vënia e potencialit të gruas në funskion nuk është vetëm në aspektin e sasisë, sepse nevojitet më shumë punë, por edhe sepse gratë konsiderohen të kenë tipare të veçanta të karakterit, të tilla si pragmatizmi, refuzimi ndaj rreziqeve, themele më të mëdha dhe e gjithë kjo sjell deri te një mjedis më konsistent, jep perspektiva të ndryshme në procesin e vendimmarrjes. Në fund, vlerësohet se e gjithë kjo çon në vendime më optimale në procesin e vendimmarrjes strategjike të institucionit. Prandaj, është e qartë se pjesëmarrja më e madhe e gruas sjell përfitime për të gjithë”- tha Angelovska-Bezhoska.
Guvernatorja theksoi se qasja e gruas në financa është e një rëndësie të veçantë. Të dhënat tregojnë se 80% e burrave në vendin tonë kanë llogari bankare, ndërsa te gratë përqindja është më e ulët - rreth 70%. Për sa i përket qasjes në kredi, 45% e përdoruesve të kredive të përgjithshëm janë gra dhe 55% janë burra, ndërsa sipas shumës së kredive, vetëm 38% e kredive për amviseri përdoren nga gratë. Këto shifra tregojnë nevojën për të ndërmarrë veprime të mëtejshme, dhe një nga aktivitetet më të rëndësishme për të inkurajuar qasjen në financa është edukimi financiar. Prandaj, siç theksoi Angelovska-Bezhoska, Strategjia e parë kombëtare për edukimin financiar dhe përfshirje financiare lë hapësirë për përfshirje më të madhe të gruas në financa.
