Shkup, 12 janar 2023

Edhe përkrah tronditjeve të forta me të cilat u ballafaqua ekonomia jonë, si dhe ekonomia globale, stabiliteti u ruajt. Banka qëndrore edhe më tutje është një prej shtyllave bartëse të stabilitetit financiar dhe makroekonomik në vend. Do të merren të gjitha hapat e nevojshme dhe do të shftytëzohen të gjitha instrumentet e disponueshme, nëse ka nevojë, që të përmbushet mandati i bankës qëndrore dhe të ruhet stabiliteti i çmimeve në afat të mesëm, si dhe stabiliteti i valutës vendase.  Kjo u theksua në takimin mes guvernatorës së Bankës Popullore, Anita Angellovska-Bezhoska dhe drejtoreshës së Europës Qëndrore dhe Juglindore të Bankës Europiane për Rindërtim dhe Zhvillim (BERZh), Sharllot Ruhe, e cila u mbajt në margjinat e Forumit të Europës Qëndrore dhe Lindore (EQL), të cilin e organizon “Euromani” në Vienë, Austri.

Në takimin mes guvernatorës dhe drejtoreshës Ruhe u bë fjalë për situatën aktuale ekonomike në rajon dhe në vend, aktivitetet të cilat merren nga ana e bankës qëndrore, si dhe pritjet dhe projektimet e vitit dhe në afat të mesëm. Angellovska-Bezhoska theksoi se si një ekonomi e vogël dhe jashtzakonisht e hapur, ku shpenzimet e ushqimit dhe energjensave përfshijnë rreth gjysmën e shportës së konsumit, ishim jashtzakonisht të ndjeshëm ndaj tronditjeve të tregjeve ndërkombëtare, të cilat u transferuan shpejtë edhe në ekonominë e vendit.  Për realizimin e mandatit të saj themelor ligjor, pra ruajtjen e stabilitetit të çmimeve, Banka Popullore që nga fundi i vitit 2021 filloi të ndërmerr masa të tërheqjes së likuiditetit përmes intervenimeve në tregun devizor, nga pranvera e vitit 2022 filloi edhe me zbatimin e një game të gjërë aktivitetesh te shumë instrumente monetare, përfshirë edhe rritjen e normës bazë të interesit, ndërsa aktivizon edhe masa makroprudente të cilat mundësojnë stabilitet financiar.

Guvernatorja gjithashtu theksoi se duke i pasur parasysh pritjet e lëvizjeve të çmimeve të ushqimit dhe energjensave në tregjet botërore, si dhe masat e ndërmarra nga ana e bartësve të politikave, këtë vit pritet ngadalësim i inflacionit. Angellovska-Bezhoska theksoi se qëllimi i Bankës Popullore është, që në afat të mesëm, inflacioni të kthehet në normat e ulëta historike prej rreth 2%. 

Duke folur për stabilitetin e ekonomisë, Angellovska-Bezhoska e theksoi edhe rëndësinë e sektorit bankar, i cili edhe përkrah krizave të njëpasnjëshme edhe më tutje është i kapitalizuar dhe likuid, pra e mbati qëndrueshmërinë e vet dhe njëkohësisht siguroi mbështetje të vazhdueshme kreditore për ekonominë.

Rohe theksoi se vendi ka partner të sigurtë në BERZh-in, në zhvillimin e ekonomisë dhe se gjatë viteve kjo është vërtetuar nëpërmjet projekteve dhe investimeve të BERZh-oit në vend. Në diskutimin, duke iu referuar krizës aktuale dhe reformave strukturore nevoja e së cilave u bë e dukshme, bëhet fjalë edhe për tranzicionin e gjelbër dhe për rëndësinë e saj për zbatimin e mandateve të bankave qëndrore. BERZh-i vitet e fundit ka një agjendë ambicioze përmes investimeve direkte në projektet e gjalbra, por edhe përmes financimit të institucioneve partnere, duke nxitur financim të gjelbër dhe produkteve të gjelbra për mundësimin e qëndrueshmërisë energjetike dhe efikasitet në vend.