Përfundon me sukses projekti i binjakëzimit „Forcimi i kapacitetit institucional të Bankës Popullore në rrugën drejt anëtarësimit të saj në SEBQ“

Përfundon me sukses projekti i binjakëzimit „Forcimi i kapacitetit institucional të Bankës Popullore në rrugën drejt anëtarësimit të saj në SEBQ“ 

Banka Popullore po punon vazhdimisht në adaptimin e praktikave dhe standardeve më të mira që afrojnë atë me Sistemin Evropian të Bankave Qendrore. Ky orientim strategjik u konfirmua vitin e kaluar. Duke iu përgjigjur shpejt dhe në kohë sfidave që i bart pandemia, Banka Popullore vazhdoi të forcojë kapacitetin e saj institucional në fushat kryesore përmes aktiviteteve të projektit. Kjo i mundësoi bankës që të përmbushë më mirë qëllimet dhe detyra, duke dhënë një kontribut të rëndësishëm në zhvillimin e ekonomisë për të mirën e të gjithë qytetarëve dhe kompanive.

Këto janë disa nga mesazhet nga konferenca e cila shënoi sot përfundimin e suksesshëm të projektit „Forcimi i kapacitetit institucional të Bankës Popullore në rrugën e anëtarësimit të saj në SEBQ“, të financuar nga Bashkimi Evropian. Projekti u realizua në tetëmbëdhjetë muajt e kaluar, me një numër misionesh ekspertësh dhe shkëmbim përvojash dhe pikëpamje ekspertësh, me ç’rast partnerët e binjakëzimit të Bankës Popullore ishin bankat qendrore të Gjermanisë dhe Kroacisë, dhe me ekspertët e tyre, në aktivitete morën pjesë dhe bankat qendrore të Belgjikës, Greqisë, Lituanisë, Portugalisë, Rumanisë, Sllovakisë dhe Holandës. Siç u prezantua në konferencë, me anë të projektit u arritën rezultate të rëndësishme në katër komponentë të projektit: sistemet dhe shërbimet e pagesave, rregullativa dhe mbikëqyrja bankare, statistika e llogarive financiare dhe aktivitete kërkimore për analizë të politikave.

„Rezultatet e këtij projekti janë një hap tjetër i bankës tonë qendrore drejt harmonizimit të plotë me praktikat dhe standardet më të mira evropiane, dhe kështu drejt anëtarësimit në familjen evropiane të bankave qendrore. Ky është një projekt që dëshmon se edhe në jetën e përditshme të ngarkuar me shumë aktivitete dhe vendime, ne mbetemi të përkushtuar dhe përqendruar në qëllimet tona strategjike. Në të njëjtën kohë, kohezioni i komunitetit të bankave qendrore dhe roli i saj si mbështetës i inovacionit për të mirën e shoqërive tona u riafirmua. Megjithëse, ky projekt binjakëzimi filloi para pandemisë, sigurisht që rriti kapacitetin tonë në fushat që luajnë rol kryesorë në këto kohë të vështira“, tha guvenratorja Anita Angelovska-Bezhoska në fjalën e saj hyrëse, pas së cilës ajo iu referua rezultateve nga projekti në kuadër të katër komponentëve të projektit.

Ambasadori Gir nga Delegacioni i BE-së vuri në dukje se projekti forcoi disa komponentë të rëndësishëm të kornizës komplekse të bankës qendrore. Ai gjithashtu theksoi se mbështetja e BE-së është pjesë e kornizës tashmë inkurajuese të Bankës për një vendim të mirë për reformat dhe politikat. Ai theksoi konsensusin e gjerë ndërkombëtar se Banka Popullore është e aftë për një përgjigje të shpejtë dhe gjithëpërfshirëse për të zbutur ndikimin e pandemisë mbi ekonominë. Përveç kësaj, lidhur me politikën monetare, ai vuri në dukje Raportin e fundit të KE-së që thekson se harmonizimi i kornizës ligjore të vendit me legjislacionin e BE-së është në një fazë të përparuar. Më në fund, ai riafirmoi se Bashkimi Evropian mbetet i përkushtuar për të mbështetur rrugën e reformës së Bankës Popullore; Delegacioni i BE-së dhe Banka Popullore zhvillojnë edhe një projekt për forcim të mëtejshëm të kapaciteteve të Bankës Popullore për kryerjen e detyrave të saj dhe për të përparuar drejt qëllimit afatgjatë të Sistemit Evropian të Bankave Qendrore.

Duke iu referuar politikës monetare të Bankës Popullore, që nga pavarësia monetare në vitin 1992 këndej, në kontekst të rëndësisë së projektit të binjakëzimit, Oto Graf, zëvendësambasador dhe udhëheqës i Departamentit të Ekonomisë së Ambasadës së Gjermanisë në vend, ndër të tjera theksoi:

„Sa larg ka arritur Maqedonia e Veriut që atëherë. Sot kemi një kurs fiks të këmbimit të denarit në raport me euron. Dhe, falë rezervave valutore të qëndrueshme të Bankës Popullore të Maqedonisë së Veriut, kjo politikë valutore është qëndrueshme. Por, për shkak se nuk është kurrë mirë të mbështetesh tek lëvdatat, Banka Popullore po përmirëson vazhdimisht shërbimet dhe politikat e saj monetare. Gjermania është krenare që ky projekt binjakëzimi mund të realizohet me bashkëpunim të ndërsjellë midis Bankës Popullore të Maqedonisë së Veriut, Bankës Popullore të Kroacisë dhe Dojçe Bundesbank“.

Lidhur me aktivitetet e implementuara të projektit, ai theksoi se ato janë të rëndësishme sepse Maqedonia e Veriut është në rrugën drejt Bashkimit Evropian dhe një përparim i tillë është një parakusht për pranimin e ardhshëm në BE.

„Projekti i binjakëzimit është në të vërtetë një mjet për ndarjen e suksesshme të njohurive dhe përvojave. Edhe më shumë, është një mjet për afrimin e kombeve, për zhvillimin e marrëdhënieve të mira dhe të ngushta fqinjësore, si dhe për të mësuar nga vendet përfituese. Me këtë, unë sinqerisht besoj se përvoja dhe njohuritë kroate u pasqyruan dhe konfirmuan në të gjithë komponentët e këtij projekti ku ishte e nevojshme, veçanërisht kur bëhet fjalë për arritjen e qëllimit kryesor të projektit. Në këtë kontekst, lideri i projektit më tha se është krijuar një bashkëpunim i vlefshëm me ekspertët kroatë dhe se vendi përfitues është veçanërisht i kënaqur me punën e ekspertëve tonë dhe se janë kryer disa aktivitete shtesë që nuk ishin planifikuar në fillim të projektit. Prandaj, unë do të doja të theksoja se Kroacia është mirënjohëse për përvojën e paçmuar të përfituar përmes bashkëpunimit me partnerët tanë në Maqedoninë e Veriut“, tha ambasadorja e Republikës së Kroacisë, Nives Tiganj.

Burkhard Balc, anëtari i Bordit Ekzekutiv të Dojçe Bundesbank, gjithashtu foli në konferencë, duke theksuar: „Unë jam i kënaqur dhe krenar të them se ne kemi përmbushur me sukses qëllimet ambicioze të projektit tonë - pavarësisht kushteve të vështira me të cilat po përballemi aktualisht“.

„Duke pasur parasysh sfidat e pandemisë së Kovid-19, tema e projektit nuk mund të ishte më relevante... …pandemia gjithashtu vendosi kërkesa për bankat qendrore. Ata duhej të merrnin masa në të gjithë botën për të stabilizuar sistemet financiare dhe për të parandaluar mungesën e furnizimit me kredi, e cila do të intensifikonte rënien tashmë të madhe të aktivitetit të sektorit real. E para dhe më e rëndësishmja, kjo nënkupton masa të politikës monetare. Sidoqoftë, pandemia preku edhe detyra të tjera të bankës qendrore, të tilla si mbikëqyrja bankare, stabiliteti financiar dhe sigurimi i ekonomisë me mjete për pagesa në para të gatshme dhe pa para të gatshme. Me fjalë të tjera, pandemia përsëriti se bankat qendrore duhet të jenë të përgatitura të veprojnë shpejt, me vendosmëri dhe nganjëherë në mënyrë krijuese - në çdo kohë dhe në të gjitha fushat. Për këtë qëllim, është e rëndësishme të kesh kapacitet adekuat institucional. Kjo, nga ana tjetër, mund të arrihet më së miri duke shkëmbyer praktikat më të mira, duke mësuar nga njëri-tjetri dhe duke zhvilluar ide të përbashkëta. Projektet e binjakëzimit të BE-së janë një platformë ideal për këtë“, tha Balc.

Boris Vujçiq, guvernatori i Bankës Popullore të Kroacisë, gjithashtu mori pjesë në përmbledhjen e rezultateve të projektit të rëndësishëm të binjakëzimit. Në fjalën e tij, ai rikujtoi se këtij projekti i paraprin një bashkëpunim i suksesshëm i ekspertëve të bankës tonë dhe bankës qendrore kroate, duke theksuar: „Ky bashkëpunim i ngushtë dhe mjaft i rregullt i punonjësve tanë përfshin shkëmbimin e përvojave për detyra të ndryshme të bankave qendrore dhe shpresoj që ky bashkëpunim i mirë midis dy bankave tona qendrore të vazhdojë“.

„Ky projekt binjakëzimi është një nga shumë aktivitetet që e sjellin Maqedoninë e Veriut më afër anëtarësimit në BE… …Edhe pse në shikim të parë mund të duket se aktivitetet e implementuara të projektit dhe rezultatet e arritura nuk janë aq tërheqëse për publikun e gjerë, ato sigurisht që janë të rëndësishme për kompanitë maqedonase që ofrojnë shërbime financiare për ekonominë në tërësi“, tha Vujçiq.

Ai gjithashtu tha: „Siç dëgjova nga kolegët e mi, shumica e tyre nuk kishin pasur përvojë të mëparshme me projektet e binjakëzimit, por ata i kryen detyrat e tyre në mënyrë efektive dhe mësuan shumë. Ndarja e njohurive të tyre me kolegët maqedonas u mundësoi atyre të përmirësojnë njohuritë e tyre profesionale. Dëshiroj gjithashtu të theksoj se kolegët maqedonas kanë treguar një nivel të lartë të përkushtimit, profesionalizmit dhe aftësisë“.

Në pjesën e dytë të ngjarjes, liderët e komponentëve prezantuan arritjet në katër komponentët e projektit. Ndër të tjera, u dha një pasqyrë për përmirësimet që do të pasojnë në fushën e pagesave, si dhe në  vlerësimin mbikëqyrës të procesit të përcaktimit të likuiditetit të brendshëm (PLB), aktivitetet për përmirësimin e mbledhjes e pretendimeve dhe menaxhimin e kredive me probleme nga kreditorët. Në fushën e statistikës, fokusi ishte mbi statistikat e llogarive financiare, duke pasur parasysh se shumica e aktiviteteve në këtë projekt iu referuan zhvillimit të llogarive financiare - flukseve, si dhe përcaktimit dhe vendosjes së metodave të përshtatshme për llogaritje dhe burime të të dhënave për përgatitjen e llogarive financiare tremujore - bilance dhe flukse. Veçmas u prezantuan edhe rezultatet nga hulumtimi ndërmjet ciklet reale dhe financiare në ekonominë maqedonase, përmes aplikimit të një modeli dinamik stoastik të ekuilibrit të përgjithshëm (model DSGE) me euroizim të pjesshëm, për të cilin materiali kërkimor u prezantua kohëve të fundit në Klubin e Hulumtuesve të Bankës Popullore.

Nga materiali i prezantuar, edhe një herë u konfirmua se projekti për të cilin Bashkimi Evropian ndau 600.000 euro, përmes arritjes së Bankës Popullore me aktivitetet që do të pasojnë duke përdorur përfitimet e projektit, në të ardhmen do të çojë edhe në më shumë arritje të konsiderueshme dhe do të nënkuptojnë investime të drejtpërdrejta për qytetarët dhe kompanitë, d.m.th. për ekonominë në tërësi.