Të dhënat për personat që kanë lidhur marrëveshje kredie me jorezidentë/rezidentë dhe kanë investuar në/nga jashtë përpunohen për qëllime statistikore, të përcaktuara në Ligjin për Bankën Popullore, Ligjin për Veprimtarinë Devizore dhe Programin pesëvjeçar për hulumtime statistikore të miratuar në bazë të Ligjit për Statistikat Shtetërore. Të dhënat personale përdoren vetëm si të dhëna të grumbulluara për përgatitjen e raporteve standarde statistikore në statistikat e jashtme.

Kategoritë e mëposhtme të të dhënave personale përpunohen për çdo person:

- emri dhe mbiemri i personit fizik;

- adresa dhe selia e personit fizik;

- përqindja e pjesëmarrjes në kapitalin e ndërmarrjes në të cilën është investuar dhe lloji i investimit;

- gjendja dhe ndryshimet e kapitalit dhe të borxhit ndërshoqëror;

- elementet e marrëveshjes së kredisë;

- lloji, qëllimi dhe sigurimi i kredisë;

- elementet e principalit, interesit dhe kostove në bazë të kredisë.

Shpjegime më të hollësishme të raportimit statistikor gjenden në:

- Udhëzimin për mënyrën e raportimit të gjendjes dhe ndryshimeve të kapitalit dhe të borxhit ndërshoqëror të subjekteve kapitale të lidhura në bazë të investimeve jashtë vendit;

- Udhëzimin për mënyrën e raportimit të gjendjes dhe ndryshimeve në kapitalin dhe borxhin ndërshoqëror të subjekteve kapitale të lidhura në bazë të investimeve të huaja;

- Udhëzimin për mënyrën dhe kushtet e raportimit individual të kredive të marra nga jorezidentët;

- Udhëzimin për mënyrën dhe kushtet e raportimit individual të kredive të miratuara për jorezidentët.

Të dhënat ruhen për 10 vjet pas shlyerjes së të gjitha obligimeve dhe detyrimeve në përputhje me kushtet e marrëveshjes së kredisë, pra 8 vjet pas marrjes së njoftimit për investime jashtë vendit.