I nderuari Ministër Oliver Spasovski, Ekselencat e juaja Samuel Zhbogar dhe Tomas Gerberih, të nderuar liderë të projektit Biljana Celeska-Anevska dhe Petar Spika, i nderuari z. Damir Biçaniq, përfaqësues të çmuar të Delegacionit të Bashkimit Evropian në vend dhe përfaqësues të Ministrisë së Punëve të Brendshme, kolegë të respektuar, mysafirë të dashur.

Kam nderin dhe kënaqësinë t’ju përshëndes në emër të Bankës Popullore dhe t’ju dëshiroj mirëseardhje në ngjarjen e sotme e cila mbahet në institucionin tonë, me të cilën bashkërisht shënojmë fillimin e këtij projekti twinning light shumë të rëndësishëm i destinuar për forcimin e kapaciteteve të institucioneve të kyçura në sistemin për luftë kundër falsifikimit të Euro-së.

Në fillim të fjalës time do të doja të shpreh falënderimin e Bankës Popullore drejt Bashkimit Evropian, sepse njohu vendosmërinë e institucioneve tona kyçe në luftën kundër falsifikimit të parave të bëjnë maksimumin në vendosjen e një sistemi të fortë dhe efikas për mbrojtje të interesave financiare kombëtare dhe interesave financiare të Bashkimit. Të falënderohem, sepse me ndarjen e fondeve nga fondet e tyre para-anëtarësimit për implementimin e këtij projekti, tregoi edhe besim se jemi të përgatitur të punojmë në forcimin e potencialit institucional dhe bashkëpunimin e ndërsjellë për të zbatuar rekomandimet të cilat do të dalin nga aktivitetet e projektit.

Jam e sigurt se do ta justifikojmë besimin. Jo vetëm me shkallën e përkushtimit tonë në Projekt në tetë muajt e ardhshëm, por edhe me gatishmërinë për zbatimin e të gjithë aktiviteteve të nevojshme për vendosjen e një sistemi të fortë dhe efikas për luftë kundër falsifikimit të Euro-së në vend. Këto aktivitete janë të përshkruara në përcaktimet strategjike të institucioneve tona, sepse qëllimi jonë përfundimtarë është të sigurojmë një sistem i cili në të gjithë aspektet do të jetë në nivel të sistemit të një vendi anëtar të Bashkimit Evropian. Vetëm kështu, me përkushtim të plotë, gatishmëri dhe profesionalizëm, plotësisht do të justifikohet besimi dhe do të vërtetojmë se Projekti në të vërtetë ka qenë i suksesshëm - se fondet prej 250,000 euro të destinuara për zbatimin e tij janë përdorur në drejtimin e duhur.

Jam shumë e bindur se Ministria e Punëve të Brendshme dhe ne nga Banka Popullore, si përdorues të këtij projekti, bashkërisht do të korrim sukses. Jam e bindur edhe nga bashkëpunimi i deritanishëm i suksesshëm mes dy institucioneve, i cili ka qenë shumë efektiv në parandalimin e shfaqjes dhe përhapjes së parave të falsifikuara në territorin e shtetit tonë, dhe për shkak të gatishmërisë tonë që edhe në të ardhmen bashkërisht të vazhdojmë të trajtojmë sfidat në këtë segment të punës tonë.

Përcaktimi i Bankës Popullore për të lëvizur në mënyrë të sigurt drejt rrugës për në Sistemin Evropian të Bankave Qendrore, duke ndjekur vazhdimisht standardet dhe praktikat evropiane dhe duke i avancuar të gjithë segmentet e punës sonë, është një nga qëllimet kryesore strategjike. Pikërisht për këtë ju siguroj se me të njëjtin nivel të profesionalizmit dhe përkushtimit që ne u qasemi sfidave tjera, do të qasemi edhe në zbatimin e këtij projekti dhe do të japim kontributin tonë maksimal në zbatimin e aktiviteteve të cilat pasojnë pas përfundimit të tij.

Sinqerisht shpresoj se, shpejt pas hyrjes së vendit në BE, do ta mbrojmë integritetin e Euros-së njëjtë si integritetin e monedhës së vendit. Pikërisht për këtë, Ligji i Bankës Popullore përmban dispozita me të cilat rregullohen detyrat dhe kompetencat e institucionit tonë nga dita e hyrjes së vendit tonë në Bashkimin Evropian, si dhe detyrat dhe kompetencat që do t’i kemi pas futjes së Euro-së si njësi kombëtare monetare. Kështu, këtë projekt dhe suksesin e tij e perceptojmë si një investim të rëndësishëm afatgjatë në një segment të rëndësishëm të punës tonë.

Por, në plan afatgjatë, ky projekt njëkohësisht do të jetë edhe një investim për avancimin e punës jo vetëm të Bankës Popullore dhe Ministrisë së Punëve të Brendshme por indirekt edhe institucioneve tjera të cilat në mënyrë aktive janë të kyçura në sistemin për luftë kundër falsifikimit të parave: Drejtoria e Doganave, Drejtoria e Policisë Financiare në Ministrinë e Financave, Prokuroria Themelore Publike dhe autoritetet gjyqësore. Besoj që pas zbatimit të këtij projekti, bashkëpunimi jonë ndërinstitucional në fushën e ndjekjes dhe parandalimit të falsifikimit të kartëmonedhave dhe monedhave do të zhvillohet edhe më tej. Gjithashtu besoj se shumë shpejt pas përfundimit të aktiviteteve të projektit, bashkërisht do të mund të konstatojmë dhe njoftojmë se sistemi jonë kombëtar për luftë kundër falsifikimit është në nivel më të lartë, kompatibil me sistemet e vendeve anëtaret të Bashkimit Evropian.

Në fund të fjalës time, dua të theksoj se më gëzon fakti që në këtë projekt, si twinning partnerë kemi edhe dy vende më të vjetra anëtare të Bashkimit Evropian - Gjermaninë dhe Austrinë. Nisur nga fakti se ato janë pjesëmarrës të drejtpërdrejtë në miratimin e politikave dhe kapërcimin e të gjithë sfidave lidhur me Euro-në që nga prezantimi i saj para dhjetë viteve deri më sot, besoj se në komunikim dhe bashkëpunim me ekspertët e tyre do të fitojmë njohuri të cilat do të jenë me rëndësi të madhe në procesin e forcimit të kapaciteteve tona. Njëjtë më gëzon fakti se partner në këtë projekt është edhe anëtarja më e re e BE-së - Kroacia, sepse për ne si institucione të vendeve kandidat për anëtarësim, me rëndësi të veçantë janë eksperiencat e këtyre ekspertëve në procesin e harmonizimit të rregullativës nacionale me atë evropiane në fushën e luftës kundër falsifikimit. Besoj që brenda aktiviteteve të projektit, ato eksperienca do të transmetohen në nivelin më profesional të mundshëm.     

Prandaj, në emër të Bankës Popullore shpreh një falënderim të madh edhe për kolegët nga Banka Qendrore e Gjermanisë dhe kolegët nga Bankat Qendrore të Kroacisë dhe Austrisë. Me të gjithë ata, si dhe me shumicën e bankave qendrore të vendeve anëtare të BE-së, ne tashmë kemi krijuar një bashkëpunim konstruktiv në më shumë fusha, gjë që është e rëndësishme për forcimin e kapaciteteve të Bankës Popullore për kyçje në Sistemin Evropian të Bankave Qendrore. Ngjarja e stome dhe ky twinning light projekt është më i riu, por jo dhe i fundit nga kjo seri. Shpresoj se në këtë seri do të numërohet edhe ngjarja në të cilën do të marrim pjesë në përgatitjen e vendit tonë për pranimin e Euro-së si njësi monetare nacionale dhe për pranimin e Bankës Popullore në Eurosistem.

Për ditën kur kjo ngjarje nuk do të jetë vetëm një ëndërr e jona, por edhe pjesë e realitetit tonë, Banka Popullore do të vazhdojë të përmirësojë zbatimin e qëllimeve dhe detyrave të saj, në pajtim me standardet evropiane dhe praktikat më të mira, që ka rëndësi të madhe për procesin e mëtejshëm për pranim të vendit në anëtarësinë e Bashkimit Evropian. Prandaj, ju siguroj se ne, udhëheqësia dhe punonjësit e Bankës Popullore, maksimalisht do të angazhohemi në këtë projekt, do të bashkëpunojmë në mënyrë të hapur dhe konstruktive gjatë zbatimit të të gjithë aktiviteteve të projektit dhe këtë mundësi të cilën na jep Bashkimi Evropian do e përdorim për forcim të mëtejshëm të kapacitetit dhe kredibilitetit të institucionit tonë. 

Në fund të fjalës time, më lejoni tu dëshiroj punë të suksesshme liderëve të projektit dhe të gjithë ekspertëve që marrin pjesë në Projekt. Besoj se pas tetë muajve do të mund të përmbledhim një projekt të përfunduar me sukses, dhe në periudhën pas, pasi të zbatojmë rekomandimet e pranuara, të shkruajmë edhe një nga faqet e shumta historike për kontributin e institucioneve tona për proceset euro-integruese të vendit tonë. 

Ju faleminderit!