Аверс:
На аверсот на монетата, во централниот дел е поставен грбот на Република Македонија. Под грбот е прикажана годината на издавање „2018“. Во горниот дел на аверсот е наведена деноминацијата - „10 денари“, а во долниот дел - името на земјата што ја издава кованата пара - „Република Македонија“ (и двете на македонски јазик). На двете страни долж вертикалните рабови има цветен украс.

Реверс:
На реверсот на монетата, во централниот дел се наоѓа портретот на св. Никола Чудотворец, со испечатен златен ореол и украс во позадината. Над портретот се поставени два розови кристала „сваровски“. Долж вертиканите рабови е испишано името на светецот чиј портрет се наоѓа во централниот дел на парата. Во долниот лев агол е испишана ознаката „Аg 925“.

 Контакт: Зоран Милетиќ
[email protected]
+389 2 3108 374

Начин на плаќање:
Странките кои се заинтересирани за купување ковани пари за колекционерски цели можат да добијат информации преку интернет-страницата на Народната банка, на телефонскиот број: 3 108 374, е-пошта: [email protected], или лично, во просториите на Дирекцијата за трезорско работење, каде што се изложени кованите пари за колекционерски цели.

Доколку странката e заинтересирана и сака да купи некоја од расположливите ковани пари за колекционерски цели, потребно е да дојде лично, во просториите на Дирекцијата за трезорско работење, или да достави податоци за изработување профактура по е-пошта, или факс: 3 108 221, за да може да се изработат потребните документи (профактура) врз основа на кои ќе се изврши уплатата на паричните средства преку банка, на ТРАНСАКЦИСКАТА СМЕТКА: 100 0000000111 03.

Врз основа на приложениот заверен налог за уплатените парични средства, на странката ѝ се издава кованата пара за колекционерски цели, заедно со фактурата.