Monedha për koleksionim: „Suksesi dhe fati i biznesit“

Pamja e përparme:  

Në anën e përparme, në pjesën qendrore të monedhës gjendet një qelq mbi të cilin është shtypur harta e hemisferës perëndimore dhe skeptri i Merkurit, të cilat shfaqen në bazën e një rrote druri me ngjyrë të artë. Përgjatë perimetrit shfaqet emri i emetuesit - Republika e Maqedonisë së Veriut. Në pjesën e poshtme të pamjes së përparme shfaqet stema e Republikës së Maqedonisë së Veriut dhe viti i emetimit të monedhës - „2019“, si dhe vlera nominale „100 denarë“. Të gjithë mbishkrimet janë në gjuhën angleze. 

Pamja e prapme:  

Në anën e prapme, në pjesën qendrore të monedhës gjendet një qelq mbi të cilin është shtypur harta e hemisferës lindore. Mbi qelq, shfaqen fotografi të shtrëngimit të duarve, lokomotivës së vjetër dhe një anijeje. Në anën e majtë të anës së prapme shfaqet Merkuri me skeptrin, ndërsa në anën e djathtë - fotografi e Furtunës e cila mban një bri bollëku. Nën qelq, shfaqet një spirancë dhe dy ingranazhe, ndërsa mbi ato mbishkrimi „Ag925“. Në pjesën e poshtme të perimetrit, në gjuhën angleze është shkruar: „Suksesi dhe fati i biznesit“ 

Mënyra e pagesës:
Palët të cilat janë të interesuara për blerjet të monedhave koleksionuese mund të marrin informata përmes internet-faqes së Bankës Popullore dhe numrit të telefonit: 3 108 374, e-mail: [email protected], ose personalisht, në lokalet e Drejtorisë së Thesarit, ku janë të ekspozuara monedhat koleksionuese.