Меѓународна инвестициска позиција
Меѓународната инвестициска позиција (МИП) ги прикажува состојбите и структурата на надворешните финансиски средства и обврски кон нерезиденти врз основа на финансиски инструменти, на определен датум.
Нето меѓународната инвестициска позиција се дефинира како разлика помеѓу вкупните меѓународни финансиски средства и обврски. Притоа, негативната нето меѓународна инвестициска позиција значи дека финансиските обврски ги надминуваат финансиските побарувања од нерезидентите.
Најнови остварувања:
Негативната нето меѓународна инвестициска позиција, на крајот на третиот квартал од 2023 година, изнесува 8.318 милиони евра, или 58,8% од проектираниот БДП за 2023 година. На квартална основа, негативната МИП бележи намалување за 46 милиони евра коешто произлегува од поголемото намалување на обврските во однос на намалените средства.
Гледано по инструменти, нето-обврските врз основа на должнички инструменти бележат намалување за 168 милиони евра, додека нето-обврските врз основа на сопственички инструменти се зголемени за 122 милиона евра. Прочитај повеќе...
Архива на меѓународна инвестициска позиција
За подетални информации во врска со објавените статистички податоци, контактирајте нѐ на
[email protected] или на телефон 02 3215 181 локал 103 (или 110/108)