Кариера во Народната банка
Кариерата во Народната банка е повеќе од вообичаено извршување на работните обврски. Ние ќе ви понудиме можности за вашиот личен и професионален напредок. Нашето окружување е „различно“ и обезбедуваме пријателска, корисна и креативна работна средина.
Нашите основни вредности се најважни за нас. Водејќи се од нив, ја градиме меѓусебната соработка, соработката со нашите клиенти и со нашите партнери и по нив сме препознатливи во секое окружување.
При исполнувањето на својата мисија и стратегиските цели, односно за зачувување на монетарната и финансиската стабилност, поаѓаме од следниве вредности:
Лидерството – поттикнување на професионалците да се движат нанапред, да се развиваат и да постигнуваат резултати;
Професионализмот – однесување во духот на почитувањето, грижата за себе и за другите;
Транспарентноста – редовно информирање и објавување информации и податоци;
Иновативноста – работење со креативност и нови идеи;
Тимската работа – тимски се постигнува многу повеќе;
Интегритетот – градење лична и организациска етика;
Квалитетот – постојано унапредување на стандардите во работењето;
Лојалноста – грижа за интересите на Народната банка и посветеност кон постигнувањето на мисијата, визијата и стратегиските цели на банката.