Neni 47
Autorizimet dhe detyrat e Këshillit të Bankës Popullore
Neni 47
(1) Këshilli i Bankës Popullore i ka autorizimet dhe detyrat në vijim:
1) i përkufizon dhe i miraton politikat monetare dhe politiken e kursit devizor të Bankës Popullore;
2) e përkufizon regjimin e kursit devizor në pajtim me nenin 23 të këtij ligji;
3) i formulon dhe miraton politikat e Bankës Popullore lidhur me kryerjen e detyrave të saj dhe miraton rregulla interne për zbatimin e tyre;
4) e miraton Planin e kontos për bankat në pajtim me ligjin;
5) e shqyrton zbatimin e politikave dhe kryerjen e detyrave të Bankës Popullore;
6) i miraton rregullat nënligjore në kompetence të Bankës Popullore;
7) e miraton Statutin e Bankës Popullore;
8) e miraton Kodeksin etik për anëtaret e Këshillit të Bankës Popullore dhe për të punësuarit;
9) i përcakton politikat e përgjithshme dhe rregullat interne lidhur me punën e Bankës Popullore;
10) i përcakton rregullat interne për zbatimin e dispozitave lidhur me ekzistimin e konfliktit të interesave;
11) e përcakton organizimin e Bankës Popullore, duke përfshirë hapjen dhe lokacionin e filialeve, përfaqësive dhe pjesëve tjera organizative;
12) e emëron kryerevizorin e brendshëm me propozim të guvernatorit të Bankës Popullore;
13) i përcakton kushtet për të punësuarit, duke i përfshire rrogat dhe kompensimet e rrogave, me propozim të guvernatorit, në pajtim me ligj dhe marrëveshje kolektive;
14) e miraton planin financiar vjetor të Bankës Popullore;
15) i përcakton politikat e kontabilitetit të Bankës Popullore dhe i miraton raportet nga neni 62 i ketij ligji dhe raportet financiare të Bankës Popullore;
16) e zgjedh shoqërinë për revizion të Bankës Popullore;
17) vendos për ngarkimin me borxh të Bankës Popullore dhe i përcakton kushtet e ngarkimit me borxh;
18) i përcakton llojet e mjeteve nga neni 24 paragrafi (2) i këtij ligji të cilat i përbejnë rezervat devizore të Republikës së Maqedonisë;
19) i percakton llojet e mjeteve në të cilat Banka Popullore mund t'i investoje mjetet financiare;
20) i përcakton denominimet dhe dizajnin e kartëmonedhave dhe monedhave, si dhe emetimin e tyre;
21) formon një ose më tepër trupa punues dhe i definon detyrat dhe aktivitetet e tyre;
22) i vlerëson rreziqet dhe miraton plane për raste të paparashikueshme për punën rrjedhëse dhe sigurinë e Bankës Popullore;
23) e miraton rregulloren për pune të Këshillit të Bankës Popullore dhe
24) kryen pune të tjera të përcaktuara me ketë ligj.
(2) Gjate kryerjes së autorizimeve dhe detyrave anëtaret e Këshillit të Bankës Popullore veprojnë veçanërisht në interes të qëllimeve dhe detyrave të Bankës Popullore.