Шема за порамнување на трансакции со хартии од вредност на пазари преку шалтер

Шема за порамнување на трансакции со хартии од вредност на пазари преку шалтер во Република Северна Македонија

ППШ = Пазари Преку Шалтер

• Чекор (1): При купувањето хартии од вредност, банката-купувач/на купувачот испраќа порака за пренос на парични средства од редовната сметка на посебната сметка за порамнување во МИПС.
• Чекор (2 а): При купувањето хартии од вредност, банката-купувач/на купувачот испраќа порака за пренос на сопственост на хартии од вредност до Системот на вкрстување.
• Чекор (2 б): При продавање хартии од вредност, банката-продавач/на продавачот испраќа порака за пренос на сопственост на хартии од вредност до Системот на вкрстување.
• Чекор (3): Системот на вкрстување ги споредува елементите на пораките за пренос на сопственост од чекорите (2а) и (2б) и доколку дојде до вкрстување на пораките, испраќа единствена порака за пренос на сопственост до ЦДХВ.
• Чекор (4): ЦДХВ врши пренос на паричните средства од посебната сметка на банката-купувач/на купувачот во МИПС на сметката на ЦДХВ во МИПС, доколку, на посебната сметка на банката-купувач/на купувачот во МИПС има доволно парични средства за порамнување.
• Чекор (5): ЦДХВ ги пренесува паричните средства од сметката на ЦДХВ во МИПС на редовната сметка на банката-продавач/на продавачот. Истовремено, со пренесувањето на паричните средства, ЦДХВ врши пренос на сопственост на хартиите од вредност од сметката на продавачот на сметката на купувачот.
• Чекор (6): ЦДХВ ја известува Народната банка за исходот од порамнувањето. Народната банка го доставува известувањето од ЦДХВ до учесниците преку Системот на вкрстување.