Shkup, 17 mars 2021 

Sot u mbajt një takim elektronik i nënkampionëve evropianë të dy viteve të kaluar, Marko Ingjilizov, Viktorija Panova dhe Hristijan Andonovski, si dhe mentorët e nxënësve të shpërblyer, me ekipet e pjesëmarrësve të paraqitur për Kuizin Evropian të Parasë për këtë vit. Ngjarja u ndoq nga rreth 460 fëmijë nga i gjithë vendi, gjë që tregon masivitetin e këtij kuizi dhe interesimin e madh të të rinjve për edukim financiar. 

Nënkampionët dhe mentorët ndanë përvojat e tyre të pjesëmarrjes në garat e viteve të kaluara dhe iu përgjigjën pyetjeve të nxënësve. Për më tepër, pjesëmarrësit u përfshinë në mënyrë aktive në plotësimin e pyetësorit të sondazhit në fushën e njohurive të tyre dhe përgatitje për garën. Vlen të ceket se, shumica e pjesëmarrësve u shprehën se ata janë paraqitur në këtë kuiz sepse mësojnë gjëra të reja në fushën e financave. 

Pjesëmarrësit gjithashtu u njohën me funksionalitetin e platformës elektronike „Kahut“ përmes së cilës do të zhvillohet gara nacionale më 24 mars, me të cilën u krye një ushtrim specifike për garën, si përgatitje për garën nacionale. 

Për herë të tretë, vendi ynë është pjesë e këtij projekti të organizuar nga Asociacioni Bankar Maqedonas, në bashkëpunim me Banka Popullore dhe Komisionin e Letrave me Vlerë dhe me mbështetjen e Ministrisë së Financave dhe Ministrisë së Arsimit dhe Shkencës.

Një total prej 174 klasash, pra klasa me mbi 400 nxënës nga 72 shkolla nga i gjithë vendi, aplikuan për garën nacionale. Fituesit nacionalë do të përfaqësojnë vendin tonë në Finalen Evropiane më 20 prill të vitit 2021.