Banka Popullore e Republikës së Maqedonisë e njofton publikun se ka emetuar dhe lëshuar në qarkullim monedhat për qëllime koleksionuese

Banka Popullore e Republikës së Maqedonisë e njofton publikun se ka emetuar dhe lëshuar në qarkullim monedhat për koleksionim: "Viti i qenit - viti i pasur i qenit", "Viti i qenit - viti i sigurt i qenit", "Labirinti rus" dhe "50 vjetori i Akademisë maqedonase të shkencave dhe arteve" ("Gazeta Zyrtare e Republikës së Maqedonisë" nr. 90/17 dhe 118/17).

Monedha „Viti i qenit - viti i pasur i qenit“ ka karakteristikat e mëposhtme:

• në anën e përparme, në qendër të monedhës janë të paraqitura stema e Republikës së Maqedonisë dhe viti i emetimit të monedhës - "2018". Përreth monedhës (përgjatë gjatësisë së perimetrit) janë të paraqitura mbishkrime në gjuhën maqedonase: "Republika e Maqedonisë" dhe "100 denarë".
• në anën e prapme, në qendër të monedhës është paraqitur piktura e qenit me ngjyrë që zvarrit një karrocë me dy rrota e mbushur me monedha prej ari. Në prapavijë janë paraqitur fletë të tërfilit. Mbi pikturën qendrore të monedhës gjendet mbishkrimi:  "VITI I PASUR I QENIT" në gjuhën angleze.

Monedha „Viti i vitit - viti i sigurt i qenit“ ka karakteristikat e mëposhtme:

• në anën e përparme, në qendër të monedhës janë të paraqitura stema e Republikës së Maqedonisë dhe viti i emetimit të monedhës - "2018". Përreth monedhës (përgjatë gjatësisë se perimetrit) janë të paraqitura mbishkrime në gjuhën maqedonase: "Republika e Maqedonisë" dhe "100 denarë".
• në anën e prapme, në qendër të monedhës është paraqitur piktura e qenit me ngjyrë i paraqitur si mbrojtës i shtëpisë - qen i cili përqafon shtëpinë. Mbi shtëpinë është paraqitur qielli me yje, Dielli dhe Hëna. Në pjesën e sipërme të anës së prapme të monedhës (përgjat gjatësisë së perimetrit), gjendet mbishkrim "VITI I SIGURT I QENIT" në gjuhën angleze.

Këto monedha janë të përpunuara prej argjendi AG925 me peshë të argjendit prej 28,28 g, pastërtinë e argjendit prej 26,16 dhe në formë rrethore me dimensione 38,61 mm.

Çmimi i monedhave "Viti i qenit - viti i pasur i qenit" dhe "Viti i qenit - viti i sigurt i qenit" është 3.200,00 denarë.

 Monedha „Labirinti rus” ka karakteristikat e mëposhtme:

• në anën e përparme, në qendër është i paraqitur labirinti me dy vrima në monedhë. Në pjesën e sipërme të anës së përparme është e paraqitur stema e Republikës së Maqedonisë dhe nën stemë - viti i emetimit 2017. Përreth monedhës gjenden mbishkrimet: "Republika e Maqedonisë" dhe "100 denarë" (në gjuhën maqedonase) dhe fjala e urtë latine "PER ASPERA AD ASTRA" (që do të thotë "nëpër ferra deri tek yjet").
• në anën e prapme, në pjesën qendrore është paraqitur labirinti që gjendet në Kopshtin e poshtëm të Oborrit të Petrit (Petrohof) (Rusi), me fontanë në qendër dhe Oborrin e Petrit në prapavijë. Në të dyja anët e labirintit janë paraqitur portrete. Në anën e majt është paraqitur statuja e Petrit të Madh - krijues i labirintit në Oborrin e Petrit dhe në anën e djathtë - statuja e Ana Jovanovës, e cila ka vazhduar punën e Petrit të Madh. Në pjesën qendrore të monedhës gjendet mbishkrimi "RUSSIAN LABZRINTH". Gjithashtu, janë paraqitur mbishkrimet: „Peter the Great“ dhe „Anna Ioannovna“ (përreth monedhës, përgjatë gjatësisë së perimetrit) dhe shenja "Ag925" në pjesën e poshtme të monedhës.

Kjo monedhë është e përpunuar nga argjendi Ag925, me peshë të argjendit prej 50,45 g, pastërti të argjendit prej 46,67 g dhe në formë rrethore me dimensione 47,00 mm.

Çmimi i monedhës "Labirinti rus" është 4.300,00 denarë.

Monedha „50 vjetori i Akademisë maqedonase të shkencave dhe arteve” ka karakteristikat e mëposhtme:

• në anën e përparme, në pjesën e sipërme të monedhës është paraqitur stema e Republikës së Maqedonisë dhe mbishkrimi "Republika e Maqedonisë" në gjuhën maqedonase. Në pjesën qendrore të monedhës janë paraqitur mbishkrimet: "1967-2017- 50 vjet" dhe "numri 50" në mesin e të cilit paraqitet logoja e "Akademisë maqedonase të shkencave dhe arteve Shkup". Në pjesën e poshtme të monedhës janë paraqitur mbishkrimet: "100 denarë" dhe viti i emetimit "2017".
• në anën e prapme, në pjesën qendrore të monedhës është parqitur pikturë e objektit të Akademisë maqedonase të shkencave dhe arteve dhe nën të mbishkrimet „1967-2017“ dhe „Аg925“. Përreth monedhës, përgjatë gjatësisë së perimetrit është paraqitur mbishkrimi: "Akademia maqedonase e shkencave dhe arteve Shkup" në gjuhën maqedonase.

Kjo monedhë është e përpunuar prej argjendi Ag925, me peshë argjendi prej 28,28 g, dhe pastërti të argjendit 26,16 g dhe në formë rrethore me dimensione 38,61 mm.

Çmimi i monedhës "50 vjetori i Akademisë maqedonase të shkencave dhe arteve" është 2.500,00 denarë.

Monedhat për koleksionim të emetuara nga Banka Popullore janë mjet ligjor për pagesë në Republikën e Maqedonisë.

Informata shtesë për monedhat për koleksionim janë të botuara në internet faqen e Bankës Popullore të Republikës së Maqedonisë në lidhjen e mëposhtme: www.nbrm.mk/Monedha maqedonase për kolesionim.  

Kabineti i Guvernatorit