Shkup, 8 qershor 2020 

Pagesat e personave fizikë dhe juridikë në vend përmes bankave, përmes përdorimit të trasfereve të kreditit dhe kartave të pagesave, në tremujorin e parë të këtij viti shënuan një rritje vjetore prej 15,2%, 5,8% të numrit dhe 5,8% të vlerës së transaksioneve. Në pagesat e kryera me transfer të kreditit, rritja vjetore e numrit të transaksioneve është 4,4%, ndërsa rritja e vlerës është 5,6%. Sa u përket pagesave me karta të pagesave në tregti, regjistrohet një rritje e lartë vjetore e numrit dhe vlerës së transaksioneve prej përkatësisht 27% dhe 26,2%.

Në mars, kur filloi kriza shëndetësore në vendin tonë, u shënua një rritje vjetore e vlerës së transaksioneve me ransfere të kreditit prej 4,9%, të kryera me numër të shtuar të transaksioneve nga personat fizikë prej 1,3% dhe një rënie të vogël nga personat juridikë prej 0,7%. Në pagesat me karta të pagesave regjistrohet një rritje e lartë vjetore e vlerës dhe numrit të transaksioneve prej 27,6% dhe 31%, përkatësisht, e nxitur nga personat fizikë.

Pas fillimit të krizës së koronës, personat fizikë gjithnjë e më shumë kanë përdorur përfitimet e bankingut elektronik. Numri i transfereve elektronike të kreditit të nisura nga ana e qytetarëve në mars u rrit ndjeshëm me 30,3% në bazë vjetore, gjegjësisht për 21,4% në bazë mujore. Qytetarët në veçanti kanë përdorur kompjuterët për bërjen e pagesave. Më konkretisht, pagesat e bëra përmes kompjuterit, në mars shënuan një rritje të lartë vjetore prej 26,4%, gjegjësisht rritje mujore prej 27,2%, që është dy herë më e lartë nga rritja vjetore në tremujorin e parë të këtij viti e cila ishte 13,8%. Gjithashtu, për kryerjen e pagesave, qytetarët kanë përdorur telefonat celularë dukshëm më shumë se më parë. Numri i pagesave të kryera me telefon celular në mars është rritur për 45,5% në bazë vjetore, me një rritje të moderuar prej 7,4%. Rritja te pagesat të kryera në këtë mënyrë është relativisht afër me rritjen në tremujorin e parë të vitit të kaluar 45,9%. Aktualisht, nga ana e qytetarëve, një nga katër transfere elektronike të kreditit nisen përmes telefonit celular, ndërsa tre transferet tjera elektronike të kreditit përmes kompjuterit.

Ndryshimi i shprehive të qytetarëve për shkak të kushteve që i imponoi pandemia e Kovid-19 kontribuoi për rënie relativisht të lartë të numrit të transfereve të kreditit të nisura në letër prej 6,9% në mars të këtij vitit, gjegjësisht një rënie mujore prej 13%. Kështu, rritja vjetore e trasfereve të kredisë të nisura në letër, në tremujorin e par të këtij viti ishte 4,1%. Megjithatë, përdorimi i urdhërpagesave në letër nga qytetarët vazhdon të jetë i lartë, duke pasur parasysh se pothuajse tre nga katër transfere të kreditit nisen në letër.

Pagesat me karta të pagesave në pikat fizike të shitjes në tremujorin e parë të vitit 2020 shënuan një rritje të lartë vjetore prej 22,3%, i drejtuar kryesisht nga personat fizikë. Kështu, në mars u shënua një ritje vjetore e numrit të transaksioneve të personave fizikë prej 11,4%, me një rënie të lartë vjetore të transaksioneve të personave juridikë prej 17,8%.

Sa i përket përdorimit të kartave të pagesave në pikat fizike të shitjes në internet, në tremujorin e parë të këtij viti gjithashtu u shënua një rritje e lartë e numrit të transaksioneve me 62,3% që para së gjithash drejtohet nga personat fizikë. Qytetarët kanë përdorur më intensivisht kartat e pagesave për blerje përmes internetit në mars, duk arritur një rritje shumë të lartë vjetore prej 99%, me një rënie të lartë në numrin e transaksioneve të personave juridikë prej 2,5%.

Përdorimi më intensiv i benefiteve të bankingut elektronik dhe blerja përmes internetit gjatë muajit mars, në masë të madhe është si pasojë e përgjigjes ndaj thirrjes së Bankës Popullore për pagesa pa para të gatshme dhe për përdorimin e kartave të pagesave, si dhe aktiviteteve që i ndërmorën bankat pas fillimit të krizës së koronës, për të mbrojtur shëndetin publik. 

Statistika e pagesave