Shkup, 31 mars 2023
„Aplikimi i zgjidhjeve të reja inovative teknologjike te pagesat tash më një kohë më gjatë është i pranishëm në botë, ndërsa me pandeminë mori vrull edhe më të madh. Në Bashkimin Europian ishte e nxitur edhe më shumë me vendosjen e tregut të vetëm europian. Me përcaktimin tonë për anëtarësim në BE, vizionin për modernizim të pagesave dhe realizimin etyre më efikas në vend, sidhe kyçje më të lehtë drejt tregut europian, e realizuam nëpërmjet transpozimit të rregullativave dhe direktivave europiane në legjislacionin e vendit, pra me miratimin e Ligjit të ri të Shërbimeve të Pagesave dhe Sistemeve të Pagesave, si dhe një numër më të madh (26) të akteve nënligjore për implementim praktik të tij”, shpjegon viceguvernatorja Emilija Nacevska në emisionin “Agjenda 35” në TVM.
Viceguvernatorja thekson se një nga risitë të cilat i parasheh Ligji është ajë që mundësohet, që përveç bankave, pagesat ti realizojnë ofrues të ri të shërbimeve të pagesave, të cilët do të përqëndrohen në ofrimin e shërbimeve të pagesave për kompanitë dhe qytetarët. Praktika botërore tregon se ato kryesisht janë nga fusha e fintek sektorit, pra i përdorin arritjet më të reja teknologjike që t’ju mundësojnë shërbime të pagesave më të lehta, më të shpejta dhe më efikase qytetarëve dhe kompanive. Nga ana tjetër, konkurrenca më e madhe do ti inkurajojë edhe bankat ti përmirësojnë zgjidhjet e tyre të realizimit të pagesave dhe ta përmirësojnë ofertën e tregut, që me siguri do të ndikojë në uljen e shpenzimeve, si dhe në rritjen dhe përmirësimin e shërbimeve të kësaj fushe.
Duke iu referuar lehtësive tjera që i ofron Ligji i Shërbimeve të Pagesave dhe Sistemeve të Pagesave, viceguvernatorja Nacevska e theksoi mbrojtjen e konsumatorëve e cila do të arrihet nëpërmjet transparancës. Me Ligjin e Shërbimeve të Pagesave dhe Sistemeve të Pagesave shtohet një detyrim për bankat dhe për ofruesit e shërbimeve të pagesave që të lidhin marrëveshje kornizë me përdoruesit e shërbimeve dhe paraprakisht, përdoruesit duhet të informohen për tarifat e shërbimeve pagesore. Marrëveshja kornizë do të përshkruhet në një formë të standardizuar, në mënyrë të qartë dhe koncize, me të gjitha informacionet e lidhura me të drejtat dhe detyrimet e përdoruesëve. Ofruesit e shërbimeve të pagesave kanë obligim rregullisht të dorëzojnë raporte për tarifat e paguara. Gjithashtu, për shërbimet e pagesave më përfaqësuese pra ato më të përdorurat, bankat dhe ofruesit tjerë të shërbimeve të pagesave do të jenë të obliguar të dorëzojnë të dhëna te Banka Popullore. Kështu sigurohen informacione të disponueshme lehtë dhe shpejtë për përdoruesit e shërbimeve të pagesave, gjatë zgjedhjes së ofruesit të shërbimit konkret të pagesave.
Nga pikëpamja e lehtësimeve, me Ligjin e Shërbimeve të Pagesave dhe Sistemeve të Pagesave vendoset edhe llogari me funksione bazë, e cila mundëson një numër të pakufizuar të transaksioneve të futjes dhe tërheqjes së parave të gatshme dhe pagesave me kartelë debitore, si dhe së paku pesë pagesa ndaj përdoruesëve tjerë në bankën e njejtë dhe mbajtjen e llogarisë, për tarifë mujore deri 1% të mesatarës së 12 pagave të fundit në vend (31 denar në pajtim me të dhënat e fundit). Kategoritë e rrezikuara të popullsisë nuk do të paguajnë tarifë për këtë llogari. Qytetarët mund ta përdorin llogarinë me funksione bazë vetëm në korniza të mjeteve të tyre të disponueshme, pra nuk mund të kenë akses në të ashtuquajturin bilanc negativ, të cilën kanë për shprehi ta përdorin. Prandaj, për të hapur llogarinë me funksione bazë qytetarët duhet ti rregullojnë detyrimet e tyre ndaj bankës, me përdorimin e produkteve tjera kreditore të bankave, ndërsa në fushën e pagesave, një prej mundësive është përdorimi i kartelave pagesore kreditore.