Shkup, 30 shtator 2021

Pagesat nga ana e qytetarëve në tregtinë në vend me kartelat pagesore të lëshuara nga emetuesit në vend, në tremujorin e dytë të vitit 2021, shënuan rritje të konsiderueshme vjetore në vlerën dhe numrin e transaksioneve prej 35.2% dhe 43.7%, e cila në masë më të madhe është për shkak të kushteve të vendosura nga pandemia të cilat kontribuan në ndryshimin e zakoneve të qytetarëve në lidhje me pagesat. Kështu, rritja vjetore e realizuar e numrit të pagesave me kartela pagesore në pikat fizike të shitjes (44.5%) në tremujorin e dytë të 2021 është 9 herë më e lartë se rritja vjetore në të njëjtin tremujor të vitit 2020 (4.7%). Lidhur me përdorimin e kartelave pagesore në pikat e shitjes virtuale (internet), në tremujorin e dytë të vitit 2021 u shënua rritje e lartë vjetore prej 36.3%, por me ngadalësim në këtë tremujor pas ritmeve jashtëzakonisht të larta të rritjes që nga fillimi i pandemisë dhe është 4.7 herë më e ulët se rritja vjetore e realizuar në të njëjtin tremujor të vitit 2020.

Nga aspekti i pagesave me transfer kreditor në tremujorin e dytë të vitit 2021, pati gjithashtu rritje të konsiderueshme të pagesave të qytetarëve me këtë instrument pagese, me rritje vjetore prej 47% në vlerën e transaksioneve, pra 41% në numrin e transaksioneve të kryera.

Që nga fillimi i krizës me koronë, për shkak nevojës për të mbrojtur shëndetin publik, izolimi dhe distanca sociale, qytetarët gjithnjë e më shumë përdorën përfitimet e bankingut elektronik në inicimin e transfereve kreditore. Kështu, numri i transfereve kreditore të iniciuara në mënyrë elektronike në tremujorin e dytë të vitit 2021 u rrit për 30% në bazë vjetore, duke shënuar rritje më të lartë në krahasim me tremujorin e vitit të kaluar 2020 (27%). Për të kryer pagesa, qytetarët veçanërisht përdorën aplikacione celulare, gjë që tregon ndryshim të mëtejshëm të zakoneve gjatë kryerjes së pagesave përveç përdorimit të kanaleve të pagesave digjitale.

Në tremujorin e dytë të vitit 2021, numri i pagesave të bëra me telefon celular u rrit me 55% në bazë vjetore, edhe pse është më e ulët se rritja vjetore në të njejtën periudhë të vitit 2020 (75%). Për më tepër, në tremujorin e dytë të vitit 2021, megjithëse më pak për sa i përket përdorimit të aplikacioneve mobile, përdorimi i kompjuterëve për të kryer pagesa është në rritje. Konkretisht, në këto pagesa, në tremujorin e dytë të vitit 2021 u shënua rritje vjetore prej 18%, e cila është më e lartë se rritja vjetore në të njëjtën periudhë të vitit 2020, ku ishte 13%.

Respektivisht, ka rritje të vazhdueshme gjashtëmujore të numrit të përgjithshëm të pagesave me transfere kreditore dhe kartela pagesore në gjysmën e parë të 2021. Shumica e transaksioneve janë realizuar me kartela pagesore (57.7% ndaj numrit të përgjithshëm të pagesave me kartela pagesore dhe transfere kreditore), me rritje të konsiderueshme të përdorimit të të njëjtave me rritje prej 34.7% në krahasim me gjysmën e parë të vitit 2020, ndërsa pjesa tjetër është kryer duke përdorur transferet kreditore (pjesëmarrje prej 42.3%) të cilët u rritën për 15.1%, krahasuar me të njëjtën periudhë të vitit të kaluar.