Qëllimi i Ditëve të Edukimit Financiare është të përforcohet edukimi financiar, të nxitet përfshirja financiare dhe të rritet vetëdijesimi dhe mbrojtja e konsumatorëve të shërbimeve financiare. Kjo u theksua në ngjarjen e sotme fillestare me rastin e Ditëve të Edukimit Financiar, e cila u organizua përpara pllajës së Ministrisë së Financave. Në ngjarje, me info-pultet e tyre, morën pjesë institucionet e Trupit Koordinues për Edukim Financiar dhe Përfshirje Financiare - Banka Popullore, Ministria e Financave, Agjencia për Mbikëqyrje të Sigurimit, Komisioni për Letra me Vlerë dhe MAPAS. Në ngjarje morën pjesë edhe banka, shoqata sigurimesh, kursimore dhe kompani tjera financiare të cilat mbështetën këtë aksion.

Guvernatorja e Bankës Popullore, Anita Angelovska-Bezhoska, theksoi se banka qendrore ndërmerr një sërë aktivitetesh për zgjerimin e njohurive të gjeneratave më të reja, por edhe popullatës më të moshuar. „Në kuadër të edicionit të sivjetshëm të këtij manifestimi, tanimë tradicional, Banka Popullore do të zbatojnë një koncept tjetër nga ai i mëparshmi - koncepti i dyerve të hapura për të gjithë qytetarët e interesuar. Në fakt, në tre ditët e ardhshme, në kuadër të Ditëve të Edukimit Financiar, Banka Popullore do të zhvillojë prezantime informative dhe edukative për popullatën më të moshuar për një pjesë të funksioneve të saj kryesore: politika monetare, sistemi bankar dhe sistemi i pagesave dhe shërbimet e pagesave. Të gjithë qytetarët e interesuar mund të vizitojnë pultin e informacioneve në Bankën Popullore me qëllim marrjen e përgjigjeve lidhur me çështje të cilat janë nga sferën e veprimtarisë së bankës qendrore“ - tha Angelovska-Bezhoska.

Ndryshe, aktivitetet e institucioneve për Ditët e Edukimit Financiar do të vazhdojnë edhe në ditët në vijim. Në Bankën Popullor do të vendoset një info-pult deri të premten nga ora 10 deri në orën 13. Pulte informative me rastin e Ditëve të Edukimit Financiar do të ketë edhe nëpër degët dhe filialet e një pjese të bankave në vend, si dhe kursimoreve. Për herë të parë, bankat dhe kursimoret, do të kenë pulte të këtilla në më shumë qytete të vendit, me ç’rast do të sigurohet mbulim më i mirë i popullatës.

Ministri i financave Dragan Tevdovski theksoi se do të ndërmerren aktivitet për edukim financiar të grupeve të ndryshme të synuara. „Në periudhën e kaluar janë mbuluar më shumë shkolla fillore dhe të mesme, gjithashtu janë zhvilluar prezantime nëpër fakultete. Ndërmarrim aktivitet për përfshirje më të lartë financiare.  Për atë qëllim në përpunim e sipër është edhe Ligji për sistemet e pagesave dhe shërbimet e pagesave të cilin e përgatisim në bashkëpunim me Bankën Popullore. Ai parasheh futjen e një llogarie për pagesa me funksione bazë, të cilën do të mund ta hapë çdo qytetarë. Gjithashtu, Ligji do të vendosë zgjedhje që do të çojnë në libaralizimin e tregut të shërbimeve të pagesave“ - theksoi ministri i financave Tevdovski dhe njoftoi se Ministria ndërmerr masa për mbrojtjen e të drejtave të konsumatorëve përmes këshillave për përdorim të sigurt të shërbimeve financiare.

Kryetarja e KLV-së, Nora Aliti, njoftoi se në tre ditët e ardhshme qytetarët do të mund të informohen edhe në pultin i cili do të jetë i vendosur në ndërtesën e Komisionit. „Në tre ditët e ardhshme, përpara pllajës së ndërtesës së Komisionit do të vendoset një info-pult ku do të kenë qasje të gjithë qytetarët dhe do të mund të marrin përgjigje për të gjithë pyetjet që i kanë lidhur me punën e rregullatorit të tregut për letra me vlerë, instrumentet financiare, mbrojtjen e të drejtave aksionare. Në këtë kampanjë janë përfshirë edhe Bursa Maqedonase, Depozitari Qendror i Letrave me Vlerë, Shtëpitë Brokere, drejtoritë të cilat punojnë me letra me vlerë nëpër banka, si dhe shoqatat për menaxhim me fonde investuese të cilat në tre ditët e ardhshme do të jenë të hapura për qytetarët“ - tha Aliti.

Kryetari i Këshillit të Ekspertëve të Agjencisë për Mbikëqyrje të Financimit Kapital të Sigurimit Pensional - MAPAS, Maksud Ali, theksoi se ata si një institucion për ditët e edukimit financiar kanë bërë një thirrje publike deri te qytetarët për ditë të hapur në këtë institucion. „Nga nesër, të gjithë qytetarët do të mund të informohen për çështje lidhur me financimin kapital të sigurimit pensional në hapësirat e MAPAS por edhe nëpër shoqatat pensionale“ - theksoi ai.

Kryetari i Këshillit të Ekspertëve të Agjencisë për Mbikëqyrje të Sigurimit (ASO), Klime Poposki, theksoi se ASO që nga formimi mbështet avancimin e edukimit financiar, organizimin e aktiviteteve edukative financiare, përgatitje të broshurave informative dhe lojërave interaktive për fëmijë përmes së cilave do të fitojnë më shumë njohuri nga sfera e sigurimit.

Info-pultet e ngjarjes së sotme fillestare i vizituan mbi 300 pjesëmarrës nga shkollat fillore dhe të mesme, si dhe një numër i madh i qytetarëve të interesuar.