Shkup, 26 shtator 2021

Banka Popullore i rikujton hulumtuesit e rinjë për shpalljen e Konkursit për Çmimin e vitit për punimin më të mirë në fushën e makroekonomisë dhe veprimtarinë bankare për vitin 2022. Konkursi, i cili organizohet gjatë 15 viteve të fundit, synon të inkurajojë mendimin shkencor dhe të afirmojë hulumtursit e rinj.

Shtetasit e Republikës së Maqedonisë së Veriut deri në moshën 35 vjeç kanë të drejtë pjesëmarrjeje në Konkurs, me përjashtim të punonjësve të Bankës Popullore dhe anëtarëve të Këshillit të Bankës Popullore.

Punimi duhet patjetër të përmbajë edhe rishikim të ekonomisë maqedonase mbi temën përkatëse dhe rekomandohet të ketë strukturë standarde të hulumtimit shkencor. Autori ka të drejtë të dorëzojë vetëm një punim në gjuhën maqedonase, shqipe ose angleze.

Autorët kanë të drejtë të konkurrojnë edhe me punime të cilët tashmë janë publikuar, (por jo para 1 janarit të vitit 2021). Afati i fundit për dorëzimin e pinimeve është 1 shkurt 2022.

Çmimi i vitit i Bankës Popullore për punimin më të mire është 100,000 denarë, neto. Nëse punimi i rënditur i dyti është me cilësi i afërt me atë të parin, Banka Popullore do të japë edhe çmim të dytë, në vlerë prej 50,000 denarë, neto. Për më tepër, punimi prezentohet para publikut profesionist në ngjarje të organizuar nga Banka Popullore dhe publikohet në faqen e internetit të institucionit. Gjatë viteve të fundit, punimet të cilët morrën çmime u prezantuan në sesion të Klubit të Hulumtuesve të formuar nga Banka Popullore.

Me kalimin e viteve, Konkursi i Çmimit të vitit i Bankës Popullore ka krijuar një numër analizash cilësore dhe ka vepruar si qendër kërkimore për hulumtuesit e rinj në fushën e ekonomisë dhe financave. Banka Popullore inkurajon të gjithë hulumtuesit e rinj nga fusha e makroekonomisë dhe veprimtarinë bankare të shikojnë konkursin në lidhjen e mëposhtme: https://bit.ly/Godisna_nagrada.

Konkursi u shpall në qershor të këtij viti.