Shkup, 24 gusht 2021
"Banka qendrore ka ruajtur me sukses besimin në sektorin bankar, siç dëshmohet nga rritja e vazhdueshme e depozitave në vitin 2020 dhe 2021," thuhet në raportin e agjencisë për vlerësimin e kreditit „Standard & Poor's“.
Denari është i qëndrueshëm dhe politika monetare është në favor të rimëkëmbjes ekonomike. Rezervat valutore janë rritur. Sistemi bankar në vend është i qëndrueshëm, me kapitalizim të lartë dhe profitabil, dhe kushtet financiare mbeten të favorshme. Shkalla e kredive me probleme është e ulët. Këto janë vlerësime të shkurtra të politikës monetare vendase dhe stabilitetit financiar, të theksuara në raport.
Në raport theksohet se rezervat valutore të vendit janë më të larta. Kështu, në korrik të këtij viti, pavarësisht shlyerjes së eurobondit në vlerë prej 500 milionë euro, rezervat valutore shënuan rritje në krahasim me të njëjtën periudhë të vitit të kaluar. Agjencia nuk pret luhatje në tregun valutor, pra kursi i këmbimit të denarit mbetet i qëndrueshëm. Gjithashtu thuhet se nëse lind nevoja, Banka Popullore është e gatshme të ndërhyjë, edhe me anë të repo linjës në vlerë prej 400 milionë euro nga Banka Qendrore Europiane.
Pritjet për inflacionin të „Standard & Poor's“ për këtë vit korrespondojnë me projeksionet e Bankës Popullore prej 2,2%.
Sipas raportit të agjencisë, sistemi bankar në Maqedoninë e Veriut është i qëndrueshëm, me kapitalizim të lartë dhe profitabil edhe gjatë krizës së koronës. Norma e kredive me probleme mbeti e ulët në 3,4% në tremujorin e dytë të 2021.
{{Title}}
{{Intro}}
{{{Content}}}
{{#hasElements Images}}
{{#each Images}}
{{#showInline ShowInGallery IsThumbNail}}
{{{dataImg this params="?width=886"}}}
{{/showInline}}
{{/each}}
{{#each Images}}
{{#showInline ShowInGallery IsThumbNail}}
{{{dataImg this params="?width=200&height=100"}}}
{{/showInline}}
{{/each}}
{{/hasElements}}