Shkup, 16 qershor 2020
Politika e përshtatshme monetare, stabiliteti i garantuar i çmimeve dhe stabiliteti i denarit do të jenë një nga shtyllat më të forta të ekonomisë maqedonase.Gatishmëria e Bankës Popullore për të përdorur si duhet hapësirën për veprim dhe për të ndërmarrë masa monetare në kohë dhe efektive gjatë krizës së koronës, ka një rëndësi të madhe për zbutjen e efekteve të dëmshme mbi ekonominë reale.Parashikimet makroekonomike të Bankës Popullore për këtë vit tregojnë një inflacion prej 0%, dhe rënie të aktivitetit ekonomik deri 3,5%, sipas skenarit bazë, ndërsa vitin e ardhshëm pritet një rimëkëmbje graduale, duke supozuar se do të ketë stabilizim të situatës me krizën e koronës në ekonominë maqedonase, por edhe në përgjithësi me partnerët e saj më të rëndësishëm tregtarë, gjë që është veçanërisht e rëndësishme për segmentin e eksportit.
Këto janë disa nga konstatimet që u paraqitën në takimin midis guvernatores së Bankës Popullore, Anita Angelovska-Bezhoska dhe ambasadores së Britanisë, Rejçel Galovej, që u zhvillua në formatin e një telekonference.Në takim u diskutuar rreth parashikimeve makroekonomike të Bankës Popullore, politikës monetare dhe masave që Banka Popullore i morri pas fillimit të krizës së koronës, si dhe për stabilitetin makroekonomik.Për më tepër, u diskutua edhe për aktivitetet lidhur me teknologjitë financiare.
Në diskutimin e masave që i morri Banka Popullore pas fillimit të krizës së koronës, në mënyrë të veçantë u komentua rreth efektet e pritura nga ulja e normës bazë të interesit dhe lëshimit të likuiditetit në sistemin bankar, si dhe për sigurimin e kushteve të favorshme për shlyerjen e kredive bankare nga ana e huamarrësve të goditur nga kriza dhe stimulimi i mëtejshëm i kreditimit, veçanërisht për sektorët e prekur.
Angelovska-Bezhoska theksoi se stabiliteti i çmimeve dhe ai financiar mbeten një prioritet, dhe për më tepër, brenda hapësirës së veprimit dhe në pajtim me kompetencat, Banka Popullore do të kontribuojë edhe për rimëkëmbjen ekonomike për t’u tejkaluar kriza e shkaktuar nga pandemia e Kovid-19.
Në atë kontekst, ndahet opinioni se është e rëndësishme që strategjia monetare e Bankës Popullore të jetë optimale për ekonominë maqedonase dhe në përputhje me karakteristikat e saj strukturore.Përvojat nga episodet e mëparshme të krizës konfirmojnë se ruajtja e stabilitetit të denarit është thelbësore për stabilizimin e shpejtë të pritjeve të subjekteve vendore dhe në këtë mënyrë parandalimin e efekteve të mëdha negative mbi sektorin real.
Lidhur me aktivitetet e ndërmarra për të inkurajuar dhe mbështetur aplikimin e teknologjive financiare, veçmas u diskutua për aktivitetet e të ashtuquajturësPorta e Inovacionit - platformë për komunikim të Bankës Popullore me fintech sektorin, e cila intensivisht punon edhe gjatë periudhës së krizës së koronës, me një përkushtim të lartë të ekipit profesional të Bankës Popullore.Në atë kontekst u diskutua edhe për zbatimin e teknologjisë financiare në sektorin bankar, si dhe për Strategjinë nacionale për zbatimin e teknologjive financiare, mbi të cilën Banka Popullore do të punojë gjatë këtij viti.
Në fund të takimit, Angelovska-Bezhoska dhe Galovej shprehën kënaqësinë që gjatë njëzet e shtatë viteve të bashkëpunimit dypalësh ndërmjet dy vendeve, komunikimi midis Bankës Popullore dhe Ambasadës Britanike po zhvillohet në nivelin më të lartë profesional, si dhe siguruan që komunikimi i tillë do të vazhdojë edhe më tej.