Përfshirja në aktivitetet e CEF-it është edhe një konfirmim i përpjekjeve për forcim të vazhdueshëm të kapaciteteve institucionale të Bankës Popullore

Lubjanë-Shkup, 15 qershor 2021

Si anëtare e Bordit, guvernatorja e Bankës Popullore, Anita Angelovska-Bezhoska mori pjesë në Takimin Vjetor të Bordit të Qendrës për Ekselencë në Financa (CEF). Ndër të tjera, gjatë takimit virtual u miratua Plani Strategjik i CEF-it për periudhën e viteve 2022-2026. Plani përcakton sfidat kryesore të vendeve nga rajoni në periudhën pas pandemisë dhe në përputhje me këtë, edhe mbështetjen të cilën do ta sigurojë CEF-i në këtë periudhë me qëllim forcimin e mëtejshëm të institucioneve në rajon.

Gjatë takimit, guvernatorja Angelovska-Bezhoska konfirmoi vendosmërinë për përfshirje të mëtejshme të Bankës Popullore në aktivitetet e CEF-it, e cila pason pas vlerësimit të CEF-it se banka jonë qendrore veçohet si një shembull i shkëlqyeshëm në rajon, me investimet e saj të vazhdueshme në njohuritë, aftësitë dhe potencialin e punonjësve të saj, që sipas tyre është një tregues i qeverisjes së mirë korporative të institucionit. Banka Popullore shprehu gatishmërinë për transferimin e përvojave të saj në procesin e edukimit të vazhdueshëm të stafit të institucioneve financiare në rajon, duke dhënë kështu një shembull të shkëlqyeshëm të bashkëpunimit në rajon.

Përfshirja në aktivitetet e CEF-it është edhe një konfirmim tjetër i përpjekjeve për forcim të vazhdueshëm të kapaciteteve institucionale të Bankës Popullore, përmes përmirësimit të njohurive dhe aftësive të punonjësve. Por, në të njëjtën kohë, është një konfirmim edhe për përpjekjet e bankës tonë qendrore për transferim aktiv të përvojave dhe pikëpamjeve të ekspertëve tek bankat tjera qendrore në rajon, që është një kontribut shtesë për promovimin jo vetëm të bashkëpunimit ndërkombëtar, por edhe të aktiviteteve të bankave qendrore në nivel rajonal.