Shkup, 15 shkurt 2023 

Banka Popullore në mënyrë aktive është e kyçur në aktivitetet e grupeve punuese të përgatitjes së pozitave negociuese për anëtarësimin e vendit tonë në Bashkimin Europian. Në kuadër të grupit të dytë “Tregu i brendshëm”, por për kapitullin e katërt “Lëvizja e lirë e kapitalit”, prezantim kishin përfaqësues nga Drejtoria e rregullativave bankare dhe zgjidhjes së bankave lidhur me fushën “Lëvizje e lirë e kapitalit dhe pagesave”, nga Drejtoria e sistemeve të pagesave lidhur me fushën “Sisteme për pagesa” dhe nga Drejtoria për mbikëqyrje në terren lidhur me fushën “Parandalim të larjes së parave dhe financim të terrorizmit”.    

Në fushën e “Lëvizjes së lirë të kapitalit dhe pagesave” u shpjegua zbatimi i rregulloreve ligjore për transaksionet individuale të kapitalit të cilat janë në kompetenca të Bankës Popullore, siç janë operacionet kreditore dhe depozituese, pagesat dhe transfertat në bazë të transaksioneve aktuale dhe kapitale, si dhe për masat mbrojtëse të rregulluara në Ligjin e veprimtarisë me valutë të huaj.    Njëkohësisht, akcenti u vendos edhe të aktivitetet e ardhshme lidhur me përshtatjen e rregullorës nga fusha e veprimtarisë me valuta të huaja me Ligjin e ri të shërbimeve të pagesave dhe sistemeve të pagesave.

Në fushën “Sisteme për pagesa” u prezantua progresi në fushën e akteve nënligjore të cilat dalin nga Ligji i shërbimeve të pagesave dhe sistemeve të pagesave dhe të cilat Këshilli i Bankës Popullore i miratoi rreth fundit të vitit 2022 dhe në fillim të vitit 2023. Në këtë kontekst u theksua se korniza ligjore e Republikës së Maqedonisë së Veriut, e cila rregullon shërbimet pagesore dhe sistemet pagesore, në një masë të konsiderueshme është e harmonizuar me të drejtën e Bashkimit Europian në këtë fushë.      

Në fushën “Parandalim të larjes së parave dhe financim të terrorizmit” u prezantuan aktivitetet dhe masat të cilat rregullisht Banka Popullore i zbaton kundër larjes së parave dhe financimit të terrorizmit te subjektet mbi të cilët ka mbikëqyrje, si dhe harmonizimin me legjislativën europiane dhe aktivitet e ardhshme që duhet të ndërmerren gjatë viteve 2023 dhe 2024.