Shkup, 14 mars 2023 

Rënia e Bankës Amerikane “Silicon Valley” (SVB) nuk ka asnjë pasojë të drejtëpërdrejt për sistemin tonë bankar, duke marrë parasysh ekspozimin e vogël ndaj jorezidentëve, por edhe modelin tradicional të biznesit të bazuar në kreditimin e kompanive dhe qytetarëve me burime të qëndrueshme financimi. Bilancet e bankave tona janë jashtëzakonisht solide, shumë të kapitalizuara dhe likuide dhe me cilësinë më të mirë historikisht të portofolit të kredisë. Megjithatë, për shkak kujdesit të funksionimit, Banka Popullore monitoron me kujdes të gjitha zhvillimet.

Sipas vlerësimeve të institucioneve përkatëse ndërkombëtare dhe para së gjithash rregullatorëve në SHBA, zhvillimet e fundit në sistemin bankar amerikan nuk duhet të kenë efekte në stabilitetin financiar në SHBA, dhe nga aty nuk priten efekte më të rëndësishme transmetuese në stabilitetin financiar global. Sipas rregullatorëve amerikanë, kjo për faktin se sistemi bankar amerikan në SHBA është shumë i kapitalizuar, i qëndrueshëm dhe funksionon mbi një bazë solide, gjë që është kryesisht rezultat i reformave pas krizës financiare globale, të cilat kanë ofruar mekanizma mborjtëse më të mira për sektorin bankar. Kjo mbështetet nga reagimi dhe masat e shpejta të autoriteteve amerikane, të cilat minimizojnë rreziqet e mundshme sistematike.

“Në këtë kontekst, zhvillimet e fundit në sistemin bankar në SHBA nuk do të kenë efekte të drejtpërdrejta në sistemin tonë bankar, duke pasur parasysh se bankat tona kanë shumë pak ekspozim ndaj vendeve të huaja, përfshirë ekonominë amerikane dhe bankat amerikane, pra vetëm 6.6 % të detyrimeve të përgjithshme të sistemit bankar janë jashtë vendit dhe vetëm 5 % e kërkesave janë nga jashtë. Gjithashtu, bilancet e bankave tona janë jashtëzakonisht solide, me nivel të lartë kapitali (niveli më i lartë në dekadën e fundit), likuiditet adekuat dhe cilësi të shkëlqyer të portofolit të kredisë.  

Gjithashtu, veçanërisht e rëndësishme në këtë rast është se sistemi ynë bankar ka model biznesi tradicional, të bazuar në kreditimin e kompanive dhe qytetarëve me burime stabile të financimit. Kjo është shumë më ndryshe nga modeli i biznesit të bankës amerikane, i cili është një nga arsyet kryesore të rënies së saj dhe bazohet në përqendrim të lartë si të bazës së depozitave ashtu edhe në investimet në letra me vlerë (letrat me vlerë përbënin 60% të aktiveve të përgjithshme të Bankës “Silicon Valley”). Sistemi ynë bankar ka  strukturë të difersifikimit dhe qëndrueshmërisë, ku depozitat përbëjnë 84% të detyrimeve të përgjithshme dhe dy të tretat e depozitave i përkasin popullatës. Këto mjete vendosen kryesisht në kredi për personat jofinanciar, të cilët marrin pjesë me 60% të mjeteve të përgjithshme të bankave dhe që kanë cilësi të lartë. Nga ana tjetër, pjesëmarrja e investimeve të bankave në letrat me vlerë që janë të lëshuara nga jorezidentët është minimale dhe në nivel të sistemit bankar është nën 1%.