Shkup, 10 prill 2021 

Vendimet dhe masat e Bankës Popullore të miratuara që nga fillimi i krizës së koronës e tutje janë vlerësuar pozitivisht në Takimet pranverore të FMN-së dhe Bankës Botërore, të cilat u mbajtën në mënyrë virtuale. Në takimin e guvernatores Anita Angelovska-Bezhoska dhe një pjese të ekipit të Bankës Popullore me ekipin e Departamentit për Tregje Monetare dhe Financiare të FMN-së, ata u komentuan më hollësisht. Në këtë mënyrë, ekipi i departamentit të FMN-së theksoi se vendimet dhe masat e Bankës Popullore janë plotësisht në përputhje me pritjet dhe udhëzimet e FMN-së.

Siç u theksua në takim, vendimet dhe masat ndihmuan në ruajtjen e stabilitetit financiar, dhe në të njëjtën kohë në sigurimin e mbështetjes së konsiderueshme të kredisë për qytetarët dhe kompanitë. Duke bërë këtë, është vënë në dukje se investimi i Bankës Popullore për stabilitetin financiar është i dukshëm, veçanërisht përmes stabilitetit dhe qëndrueshmërisë së sektorit bankar, i cili është pjesa më e madhe e sistemit financiar.

Për disa nga masat e Bankës Popullore nga periudha e kaluar, u theksua se ato kontribuuan ndjeshëm në përmirësimin e kushteve për mbështetjen e kredisë nga bankat. Tani, normat e interesit për kreditë në sistemin tonë bankar janë ndër më të ulëtat në rajon, gjë që, siç u theksua në takim është me rëndësi të veçantë gjatë krizës. Në të njëjtën kohë, bashkëbiseduesit diskutuan se mund të pritet ulje e mëtejshme e çmimit të kredive të bankave, pas uljes së fundit të normës bazë të interesit të Bankës Popullore, gjë që do të kontribuojë për mbështetje të mëtejshme të qytetarëve dhe kompanive dhe ekonomisë në tërësi. 

Me ekipin e Departamentit për Tregje Monetare dhe Financiare të FMN-së, u diskutuan veçmas ndryshimet rregullatorë të bëra nga Banka Popullore për të siguruar lehtësimin e përkohshëm të barrës financiare të përdoruesve të kredisë të prekur nga pandemia. Duke bërë këtë, u theksua se ndryshimet kontribuuan në shtyrjen e ripagimit së 44% të kredive, e cila është dukshëm më e lartë se mesatarja në BE.   

Në takim u theksua se është e rëndësishme të vazhdohet me monitorimin e deritanishëm të kujdesshëm të situatës dhe rregullimin e qasjes, vendimeve dhe masave për veprim parandalues.