Shkup, 8 qershor viti 2021

Në periudhën e ardhshme, sfidat kryesore për politikëbërësit do të jenë të dyfishta. Nga njëra anë, do të duhet akoma të sigurohet mbështetje për ekonomitë në rimëkëmbjen nga kriza, por të mirë-shënjestruar dhe me vëllim të përshtatshëm. Kriza ekonomike globale e vitit 2008/09 tregoi që politikëbërësit nuk duhet të ndalen papritmas me masa për të mbështetur ekonomitë në trajtimin e goditjes, dhe kjo është theksuar për shkak të natyrës primare, shëndetësore të krizës. Por, nga ana tjetër, duhet kujdes në përcaktimin e karakteristikave të stimulit makroekonomik, në mënyrë që të mos shkaktohen zhbalancime.

Kjo, ndër të tjera, u theksua nga guvernatorja e Bankës Popullore, Anita Angelovska-Bezhoska, në fjalën e saj dje në Javën Ballkanike të Biznesit, të organizuar nga Instituti për Biznes dhe Menaxhim "Hajdelberg" dhe Akademia e Bankingut dhe Teknologjisë së Informacionit (ABIT).

„Fokusi duhet të jetë përsëri në reformat strukturore dhe politikat e transformimit për zgjidhjen e pengesave të thella strukturore para krizës, si dhe pengesat e reja strukturore që do të mbeten si një trashëgimi e pandemisë, të cilat në korniza globale, nuk janë sqaruar plotësisht edhe në këtë moment. Duhet të ecim drejt transformimit të ekonomive tradicionale në ekonomi më të mençura, gjithëpërfshirëse dhe më të gjelbra.“ - tha Angelovska-Bezhoska.

Në fjalën e saj, ajo adresoi disa çështje kryesore për sfidat me të cilat përballen politikëbërësit në ekonomi që nga shpërthimi i krizës së koronës këtej, si dhe sfidat që priten, veçanërisht duke iu referuar ekonomisë maqedonase.

Fjala „krizë“ në kinezisht shkruhet me dy shenja. Njëra paraqet një rrezik, ndërsa tjetra një mundësi. Shpresoj se e kemi lënë pas rrezikun dhe tani do të përdorim mundësitë për të përmirësuar mirëqenien e ekonomive tona.“ - porositi guvernatorja në fund të fjalës së saj.

Në ngjarje morën pjesë zyrtarë të lartë të më shumë bankave qendrore në rajon.