Shkup, 6 prill 2021
Si përfaqësues i Maqedonisë së Veriut në Konstituencën e FMN-së, Bankës Botërore dhe EBOR, Holanda do të vazhdojë të sigurojë mbështetje të fortë për Bankën Popullore në komunikimin dhe bashkëpunimin me institucionet ndërkombëtare, e cila është jashtëzakonisht e rëndësishme në këto kohë të vështira. Vendimet e Bankës Popullore të miratuara gjatë vitit të kaluar janë të mirëseardhura në këtë kontekst. Situata duhet të monitorohet më tej dhe sfidat të adresohen në mënyrë të përshtatshme, veçanërisht sa i përket disiplinës fiskale dhe menaxhimit të borxhit publik. Në trajtimin e sfidave, mbështetja e institucioneve ndërkombëtare është e rëndësishme dhe ne mbetemi partnerët tuaj në arritjen e qëllimeve strategjike. Është thelbësore të vazhdohet zbatimi i reformave strukturore në ekonominë e Maqedonisë së Veriut.
Këto janë disa nga mesazhet dhe konstatimet e bëra nga ambasadori i Mbretërisë së Holandës, Dirk Jan Kop, në takimin me guvernatoren e Bankës Popullore, Anita Angelovska-Bezhoska.
Në takim, ndër të tjera, ambasadori dhe guvernatorja biseduan për gjendjet aktuale në ekonomi dhe veçanërisht për konsolidimin e sektorit financiar. Duke bërë këtë, u theksuan sfidat për tejkalim më të lehtë të krizës dhe kontributi i mbështetjes së kredisë për sektorin real, i cili u vlerësua edhe një herë si një faktor jashtëzakonisht i rëndësishëm në periudhën e ardhshme. Në këtë kontekst u bisedua edhe për vendimet e Bankës Popullore që lidhen me forcimin e mëtejshëm të sistemit, me ç’rast u theksua se kujdesi i këtillë është me rëndësi të veçantë për ruajtjen e kredibilitetit dhe transparencës në punën e Bankës Popullore, si bazë për realizimin e rolit të saj në ruajtjen e stabilitetit makroekonomik.
Ndër të tjera, ambasador dhe guvernatorja folën edhe për instrumentariumin e Bankës Popullore dhe gatishmërinë e saj për ndërmarrjen e aktiviteteve të duhura dhe vendimmarrjen e duhur, përveç stabilitetit makroekonomik, si dhe për mbështetjen e qytetarëve dhe kompanive.
Guvernatorja Angelovska-Bezhoska shprehu kënaqësi të veçantë që gjatë krizës së koronës, bashkëpunimi me Bankën e Holandës është intensifikuar dhe zhvillohet në nivel ekspertësh. Siç theksoi guvernatorja, Banka e Holandës bazhdon të jetë një nga mbështetësit më të fortë në përmirësimin e vazhdueshëm të veprimtarisë së bankës qendrore në vendin tonë dhe monitorimin e standardeve dhe përvojave evropiane. Më konkretisht, siç u theksua në takim, ajo është partnere e bankës tonë qendrore në zbatimin e disa projekteve.
Ambasadori Kop dhe guvernatorja Angelovska-Bezhoska ndanë mendimin se reformat e mëtejshme strukturore janë thelbësore për ekonominë maqedonase, të cilat në plan afatgjatë do të rrisin potencialin e rritjes, nga i cili varet edhe ruajtja e perceptimeve pozitive të investitorëve ndërkombëtarë.