Miratohet Raporti mbi rreziqet në sistemin bankar për tremujorin e dytë dhe Raporti Vjetor mbi mbikëqyrjen e funksionimit të sistemeve të pagesave në vitin 2020

Shkup, 1 tetor 2021

Në sesionin e Këshillit të Bankës Popullore, të mbajtur dje, u miratua Raporti mbi rreziqet në sistemin bankar për tremujorin e dytë të vitit 2021. Sistemi bankar vazhdon të funksionojë në kushte e pasigurie, por më pak të theksuar, për shkak të përmirësimit të situatës epidemiologjike dhe heqjes së masave kufizuese, të cilat kishin një ndikim të favorshëm në aktivitetin ekonomik të brendshëm. Në kushte të tilla, aktiviteti kreditues i bankave shënoi rritje të përshpejtuar tremujore, e cila kryesisht ishte rezultat i rritjes së kredive për amvisëri, me një kontributi të madh pozitiv në kreditë e korporatave. Gjithashtu u përshpejtua edhe rritja e depozitave të amvisërive dhe korporatave.

Aftësia paguese e sistemit bankar po përmirësohet. Në fund të qershorit, raporti i mjaftueshmërisë së kapitalit ishte 17.3%, që është një rritje prej gjysmë përqindjeje në krahasim me fundin e tremujorit të kaluar të këtij viti.

Në tremujorin e dytë të vitit 2021, në kushtet e rritjes së mëtejshme të aktiveve likuide të sistemit bankar maqedonas, treguesit e likuiditetit mbetën në një nivel të favorshëm dhe stabël. Në 30 qershor 2021, niveli i mbulimit të likuiditetit të sistemit bankar ishte 184.2% (minimumi rregullator për këtë normë është 100%).

Pjesamarrja e kredive me probleme në totalin e kredive në tremujorin e dytë të vitit, është I ulët dhe mbeti në të njëjtin nivel si në tremujorin e mëparshëm prej 3.5%, pra 5.1% në portofolin e kredive të korporatave dhe 2% në portofolin e kredive për amvisëri.

Sipas të dhënave të publikuara në Raport, sistemi bankar vendas vazhdon të funksionojë me përfitim, gjë që është veçanërisht e rëndësishme për ruajtjen e pozicionit kapital të bankave, pra për stabilitetin dhe elasticitetin e tyre.

Këshilli gjithashtu shqyrtoi dhe miratoi Raportin vjetor për mbikëqyrjen e funksionimit të sistemeve të pagesave në vitin 2020 dhe zbatimin e rekomandimeve të dhëna. Banka Popullore vlerëson nëse struktura dhe funksionalitetet e sistemeve të pagesave sipas rëndësisë së tyre janë në përputhje me kërkesat rregullatore për funksionimin e tyre të pandërprerë, të sigurt dhe të qëndrueshëm, të cilat janë gjithashtu në përputhje me standardet ndërkombëtare për funksionimin e sistemeve të pagesave.

Rezultatet e mbiklqyrjes gjatë vitit të kaluar tregojnë se operatorët e sistemit të pagesave në vend kanë krijuar infrastrukturë, politikë, rregulla dhe procedura operative që mundësojnë kryerjen e sigurt dhe të pandërprerë të pagesave përmes sistemeve që menaxhojnë, dhe kanë kontrolle të përshtatshme për trajtimin e brendshëm dhe burimet e jashtme të rrezikut operacional. Vlerësimet e Raportit konfirmojnë se sistemet e pagesave në vend vazhdimisht ofrojnë një shkallë të lartë të sigurisë dhe besueshmërisë operacional, i cili është një kontribut i rëndësishëm në krijimin e një mjedisi të favorshëm ekonomik si për bizneset ashtu edhe për popullatën. Disponueshmëria e sistemeve të pagesave gjatë vitit të kaluar ishte në një nivel të lartë prej mbi 99.9%.