Shkup, 1 korrik 2021

Në tregtinë e vendit pagesat me kartеla pagesore nga qytetarët, në tremujorin e parë të vitit 2021, shënuan një rritje të konsiderueshme vjetore në vlerën dhe numrin e transaksioneve, përkatësisht prej 36% dhe 28%, si rezultat i kushteve të vendosura kryesisht nga pandemia. Rritja e lartë vjetore e numrit të pagesave të qytetarëve në tregti është kryesisht për shkak të rritjes së jashtëzakonshme të numrit të pagesave me kartela pagesore në pikat e shitjes përmes internetit, e cila në tremujorin e parë të vitit 2021 ishte 110% dhe ishte më e lartë se rritja vjetore në të njëjtin tremujor të vitit 2020 (77%). Sa i përket përdorimit të kartelave pagesore në pikat fizike të shitjes, nga ana e qytetarëve në tremujorin e parë të vitit 2021 pati rritje vjetore prej 23 %, e cila ngelet e pandryshueshme krahasuar me të njejtin tremujor të vitit 2020.

Për sa i përket pagesave me instrumentin e transfertave të kreditit gjatë pandemisë, në tremujorin e parë të vitit 2021 pati një rritje më të moderuar të pagesave të qytetarëve në krahasim me pagesat me kartela pagesore, me një rritje vjetore prej 11% në vlerën e transaksioneve, respektivisht 6 % në numrin e transaksioneve të kryera.

Sidoqoftë, që nga fillimi i krizës së koronës e tutje, me qëllim të mbrojtjes së shëndetit publik, izolimi dhe distanca shoqërore ndikoi që qytetarët gjithnjë e më shumë të përdorin përfitimet e veprimeve bankare elektronike gjatë inicimit të transfertave të kreditit. Kështu, numri i transfertave elektronike te kreditit në tremujorin e parë të 2021 u rrit ndjeshëm për 49% në bazë vjetore, që është 2,3 herë më shumë në krahasim me rritjen vjetore në të njëjtin tremujor në vitin 2020 (21%). Për të bërë pagesa, qytetarët në veçanti përdorën aplikacione celulare, gjë që tregon një ndryshim në zakonet e pagesës në vazhdim të përdorimit të kanaleve digjitale për pagesa.

Ashtu si në periudhën e kaluar të pandemisë, ka një trend rritjeje të numrit të pagesave të bëra me celular edhe në tremujorin e parë të 2021 dhe arrin një rritje vjetore prej 99%. Rritja e realizuar në pagesat e bëra në këtë mënyrë është gjithashtu dy herë më e lartë se rritja vjetore e realizuar në të njëjtën periudhë të vitit 2020, e cila ishte 46%. Përveç kësaj, në tremujorin e parë të vitit 2021 edhe pse më pak se përdorimi i aplikacionave celulare, edhe me tej rritet përdorimi i kompjuterëve për të bërë pagesa në vend nga ana e qytetarëve. Me konkretisht, tek këto pagesa në tremujorin e parë të vitit 2021 ka një rritje vjetore të lartë prej 30 %, e cila është dyfish më e lartë se rritja vjetore në periudhën e njejtë të vitit 2020, e cila ishte 14 %.

Kushtet që imponoi pandemia e Kovid-19 ndikuan në ndryshimin e shprehive të qytetarëve edhe sa i përket transfertave të kreditit në formë letër, i cili shënoi ulje vjetore prej 7 % në tremujorin e parë të vitit 2021, përkundër rritjes vjetore prej 4 % në tremujoin e njejtë në vitin 2020.