I nderuar guvernator Hamza,
E nderuar viceguvernatorë Gjoni,
I nderuar Z. Felker,
I nderuar Z. Hlad,
Përfaqësues të bankave qendrore,
Zonja dhe Zotërinj,
Jam i kënaqur që sot jam këtu, në Prishtinë, bashkë me ju, me rastin e mbajtjes së takimit të tretë të Komitetit drejtues, me ç‘rast edhe zyrtarisht do të shënojmë përfundimin e suksesshëm të projektit të përbashkët për bashkëpunim ndërmjet ECB-së dhe bankat qendrore popullore të Eurosistemit në njërën anë, dhe bankave qendrore të Ballkanit Perëndimor në anën tjetër.
Përfshirja e tre bankave qendrore në këtë projekt, i cili ka për qëllim të forcojë kapacitetin e tyre institucional dhe harmonizimin e veprimtarisë së tyre me standardet për veprimtari të bankave qendrore në BE, është e rëndësisë së veçantë për të gjithë regjionin, duke pasur parasysh rrolin e bankave qendrore në procesin e hyrjes në BE.
Domethënë, qasja e këtillë regjionale e ECB-së mundëson ngritjen e nivelit të harmonizimit të standardeve dhe politikave të BE, dhe gjithashtu krijon mundësi për thellimin e bashkëpunimit ndërmjet bankave qendrore të regjionit me bankat qendrore të BE-së. Prandaj, shpresoj se bashkëpunimi reciprok do të vazhdojë në frymën e njëjtë, por me mundësi që i njëjti edhe më shumë të thellohet në forma tjera të bashkëpunimit në fusha të ndryshme të veprimtarisë së bankave qendrore.
Sa i përket BPRM-së, me kënaqësi mund të theksoj se së bashku me kolegët e ECB-së e përcaktuam përparimin e deritanishëm për sa i përket implementimit të rekomandimeve nga raporti “Analiza e nevojave të NBRM-së”, dhe i definojmë hapat e mëtejshëm që do të ndërmerren në drejtim të plotësimit të tyre të mëtejshme.
Me këtë rast do kisha dashur të theksoj se BPRM-ja edhe në të ardhmen me përkushtim të njëjtë do të vazhdojë të punojë në aspektin e aplikimit të rekomandimeve të dhëna në Raport, duke pasur parasysh faktin se pjesa më e madhe e tyre tanimë janë të inkorporuara në Planin Strategjik të BPRM-së. Nga kjo, ndihma e mëtejshme e ECB-së dhe Eurosistemit dhe partnerëve të deritanishëm strategjik, sa i përket eksperiencës dhe diturisë është e rëndësisë shumë të madhe dhe shpresojmë se në periudhën e ardhshme bashkërisht do të punojmë në plotësimin e tërësishëm të rekomandimeve.
Për fund, më lejoni të falënderoj ECB-në dhe bankat tjera qendrore të Eurosistemit të përfshira në projekt, si dhe nikoqirët, me shpresë se në të ardhmen e afërt sërish do të kemi mundësinë të takohemi në një eveniment të këtillë ose të ngjashëm.