Автори: Игор Величковски, Александар Стојков и Ивана Рајковиќ

Јадрото и периферијата на еврозоната: Приказна за обединување или разобединување 

Овој труд истражува дали развојот на интензитетот на трговијата, структурата на трговијата, финансиската интеграција, фискалната политика, производствената структура и софистицираноста на извозот поддржуваат процес на конвергенција или дивергенција на шоковите во Европа. Анализата се однесува на периодот од воведувањето на еврото во 1999 година до 2013 година, во една панел-рамка за шест земји од јадрото на еврозоната, пет периферни земји, тринаесет нови членки на ЕУ и три земји кандидатки за ЕУ (вклучително и Македонија). Анализирано одделно за шокови на страна на понудата и на страната на побарувачката, наодите укажуваат на тоа дека некои од наведените фактори делуваат во правец на конвергенцијата на шокови на периферните земји и земјите во транзиција во однос на јадрото на еврозоната, но дел од факторите делуваат во правец на неутрализирање на овие ефекти. Од овие причини, потребна е соодветна комбинација на макроекономски политики кои ќе обезбедат побрза конвергенција на периферните земји и земјите во транзиција кон јадрото на еврозоната. 

Ставовите изложени во авторските материјали се на авторите и не мора да соодветствуваат со ставовите на НБРМ. Ве молиме, при користењето на материјалите соодветно да се цитира изворот/авторите на трудот.