достапно и на англиски јазик

Автори: Кирил Симеоновски, Гани Рамадани и Даница Уневска Андонова

достапно и на англиски јазик  

Оцена на фундаменталната вредност на становите на  македонскиот пазар на недвижности со примена на макропрудентен пристап     

Во оваа анализа е изработен показател за оцена на цените на становите на македонскиот пазар на недвижности со примена на макропрудентниот пристап за анализа на капацитетот за позајмување. Показателот за капацитетот на домаќинствата за позајмување е пресметан како сооднос на пазарната со фундаменталната вредност на недвижностите, така што повисоката фактичка пазарна цена укажува дека цените на становите се преценети и со тоа понедостапни, и обратно. Резултатите од анализата укажуваат дека цените на становите биле преценети речиси во целиот анализиран период. Анализата на чувствителноста на макропрудентните инструменти упатува дека намалувањето на регулативниот праг на показателот ДСТИ, којшто централните банки го користат како инструмент за спречување на прекумерната задолженост на населението, би ја намалила фундаменталната вредност на становите. Намалувањето на показателот ДСТИ би можело делумно да предизвика опаѓање на цените на становите, но ефектот би бил ограничен затоа што само дел од купопродажбите се финансирани преку станбени кредити. Сепак, имајќи предвид дека се работи за само еден можен аналитички пристап за оцена на фундаменталната вредност на становите, резултатите треба да се толкуваат претпазливо.

Ставовите изложени во авторските материјали се на авторите и не мора да соодветствуваат со ставовите на НБРСМ. Ве молиме, при користењето на материјалите соодветно да се цитира изворот/авторите на трудот.