Investime direkte - Gjendjet

        Gjendja paraqet pozitën e investimeve direkte në fund të një periudhe të caktuar dhe përmban të dhëna për kapitalin e pronësisë (me riinvestimin e fitimit) dhe për instrumentet e borxhit.

Varësisht nga struktura e investimeve direkte, hulumtimi statistikor i BPRMV-së për investimet direkte në vend përfshin të dhëna për gjendjen e investimeve të reja, ekzistuese dhe investimeve tjera. Investimet e reja e paraqesin vlerën e kapitalit të pronësisë (përfshirë edhe riinvestimin e fitimit) që rezulton nga investimi në ndërmarrje të reja (investime grinfilld). Investimet ekzistuese e paraqesin vlerën e kapitalit të prnësisë (përfshirë edhe riinvestimin e fitimit) që rezulton nga investime në ndërmarrjet ekzistuese nëpërmjet blerjeve ose bashkimit të ndërmarrjeve. Investimet tjera e paraqesin vlerën e kapitalit të pronësisë (përfshirë edhe riinvestimin e fitimit) që rezulton nga themelimi i degëve, filialeve, fondacioneve dhe të tjera.

Të dhënat për gjendjen e investimeve direkte vlerësohen me vlerën kontabël. Ndryshimet në gjendjen ndërmjet dy periudhave raportuese rezultojnë nga: transaksionet, ndryshimet e çmimeve dhe/ose të kursit dhe ndryshimet në vëllim.

Arritjet e fundit:

Më 31.12.2022, gjendja e investimeve direkte në Republikën e Maqedonisë së Veriut arrin 7.013 milionë euro (ose 54,4% të shifrës së vlerësuar të PBB-së) nga të cilat 4.944 milionë euro janë investime në kapitalin e pronësisë, derisa 2.069 milionë euro janë investime në instrumentet e borxhit.

            Analizuar sipas vendeve, investimet më të larta direkte, në vlerë prej 1.053 milionë euro janë regjistruar nga Austria, e ndjekur nga Greqia, me investime direkte në vlerë prej 729 milionë euro. Në grupin e pesë investitorëve më të mëdhenj të huaj në vend bëjnë pjesë Mbretëria e Bashkuar (me 634 milionë euro), Gjermania (me 572 milionë euro) dhe Hollanda (me 544 milionë euro). Këto pesë vende përbëjnë 50,3% të totalit të investimeve direkte në periudhën e analizuar.

            Analizuar sipas veprimtarive të investimit, nga totali i investimeve direkte, 2.453 milionë euro ose 35% janë investuar në veprimtarinë “Prodhim”, derisa 1,520 milionë euro ose 21,7% në veprimtarinë “Aktivitete financiare dhe të sigurimeve”.

 




Arkivi i investimeve direkte

Për informata më të detajuara lidhur me të dhënat statistikore të publikuara, mund të na kontaktoni në [email protected] ose në telefon 02 3215 181 lokal 103 (ose 110/108)