Врз основа на точка 21 од Упатството за работата на Комисијата за селектрирање на расходуваниот подвижен имот и на Комисијата за купување, продажба, давање во закуп и размена на имот У.бр.03-26816/1 од 3 ноември 2020 година на Народната банка на Република Северна Македонија, Комисијата за  продажба на подвижен имот – патнички моторни возила објавува:

ОГЛАС број 1/2021
ЗА ПРОДАЖБА НА ПОДВИЖЕН ИМОТ – ПАТНИЧКИ МОТОРНИ ВОЗИЛА
по пат на усно јавно наддавање

Народната банка на Република Северна Македонија врши продажба на подвижен имот и тоа 6 (шест) патнички моторни возила маркa ОПЕЛ АСТРА , 1 (едно) патничко моторно возило марка АУДИ и 1 (едно) патничко возило марка ФОРД МОНДЕО по пат на усно јавно наддавање и тоа:

ОПЕЛ АСТРА  рег.број SK 3154 AF

Почетна цена на автомобилот е  239.639,00 денари.
Автомобилот се продава на принципот видено – купено.

ОПЕЛ АСТРА рег.број SK 3155 AF

Почетна цена на автомобилот е  243.326,00 денари.

Автомобилот се продава на принципот видено – купено.

ОПЕЛ АСТРА рег.број SK 3156 AF

Почетна цена на автомобилот е  235.952,00 денари.
Автомобилот се продава на принципот видено – купено.

ОПЕЛ АСТРА рег.број SK 3157 AF

Почетна цена на автомобилот е  232.265,00 денари.
Автомобилот се продава на принципот видено – купено.

ОПЕЛ АСТРА рег.број SK 3158 AF

Почетна цена на автомобилот е  243.326,00 денари.
Автомобилот се продава на принципот видено – купено.

ОПЕЛ АСТРА рег.број SK 3159 AF

Почетна цена на автомобилот е  228.579,00 денари.
Автомобилот се продава на принципот видено – купено.

АУДИ  рег.број  SK 5328 AG

Почетна цена на автомобилот е 184.753,00 денари.
Автомобилот се продава на принципот видено – купено.

ФОРД МОНДЕО  рег.број  SK 334 NS

Почетна цена на автомобилот е 92.800,00 денари.
Автомобилот се продава на принципот видено – купено.

Патничките моторни возила се наоѓаат во седиштето на Народна банка на Република Северна Македонија, ул. Кузман Јосифовски Питу бр.1 Скопје.

Право на учество на усното јавно наддавање:

Право на учество на усното јавно наддавање имаат сите деловно способни домашни и странски физички лица и правни лица кои извршиле уплата на гаранцијата.

Пријава за учество на усното јавно наддавање:

Заинтересираните лица кои ќе учествуваат на јавното наддавање треба да пополнат пријава за учество, која е достапна на веб-страницата на Народната банка на Република Северна Македонија (https://nbrm.mk/oglasi-za-prodazba-na-podvizen-imot.nspx  |  Прилог 1-Пријава за учество во постапка на усно јавно наддавање-физички лица  |  Прилог 2-Пријава за учество во постапка на усно јавно наддавање-правно лице)

Пријавата не може да се менува, а секое менување или непополнување на сите нејзини елементи и недоставување на потребната документација претставува основа за дисквалификација на нејзиниот подносител од учеството во постапката на јавното наддавање. Пријавите се доставуваат по пошта или во архивата на Народната банка на Република Северна Македонија ул.Кузман Јосифовски Питу бр.1 Скопје, заклучно со 11.03.2021 година.

Услови за учество на усното јавно наддавање:

Доказ за платена гаранција за учество на јавно наддавање.

Гаранција за учество:

Гаранцијата за учество на усното јавно наддавање изнесува 10 % од почетната  цена на секое моторно возило поединечно.

Гаранцијата се уплатува на сметката 100000000011103, депонент Народната банка на Република Северна Македонија, со назнака „депозит за усно јавно наддавање“ (задолжително се наведува бројот на огласот), како и редниот број и називот на моторно возило за кое се уплатува депозитот.

Рокот за уплата на гаранцијата е најдоцна три дена пред денот на одржувањето на усното јавно наддавање.

На подносителите на ненавремените, непотполните и неисправните пријави и на понудувачите кои не се избрани на јавното наддавање им се враќа гаранцијата во рок од 15 дена од денот на одржувањето на јавното наддавање, освен на најповолниот понудувач на кого износот на гаранцијата му се пресметува во вкупната продажна цена.

Рокови:

Усното јавно наддавање ќе се одржи на 11.03.2021 година во просториите на Народната банка на Република Северна Македонија, на
бул. „Кузман Јосифовски-Питу“ бр. 1, 1000 Скопје со почеток во 11:00 часот.

Сите заинтересирани лица можат да ги разгледаат моторните возила секој работен ден почнувајќи од 19.02.2021 година во период од 11:00 до 13:00 часот. За разгледување на автомобилите заинтересираните може да се обратат на телефонскиот број 02/3108-106 или 02/3108-416.

Усно јавно наддавање:

Усното јавно наддавање ќе се врши во просториите на ресторанот на приземје, и сите учесници се должни да носат заштитни маски согласно мерките на сила за заштита од ширење на зараза предизвикана од Ковид-19, кои се донесени од Владата на РСМ, додека процесот на наддавање ќе се регулира согласно важечките протоколи за заштита по здравјето на сите присутни учесници во Народната банка.

Усното јавно наддавање започнува со објавување на почетната продажна цена на моторно возило под реден број 1.

Секој понудувач пред усното јавно наддавање треба да поднесе доказ за уплатена гаранција за усно јавно наддавање, документ за лична идентификација за физички лица, и заверени полномошна за претставниците на правни лица.

Наддавањето се врши чекор по чекор, односно со зголемување на вредноста секој нареден чекор за 10 % од почетната продажна цена на моторното возило.

Учесникот на наддавањето кој понудил највисока цена се стекнува со статусот најповолен понудувач.

По завршување на постапката за продажба на моторното возило со реден број 1 се преминува на продажба на наредното моторно возило. Постапката за продажба е иста како и за претходното моторно возило.

Останати услови на продажба

Продажната цена за патничките возила која ќе биде постигната на усното јавно наддавање се плаќа еднократно.

Рокот за плаќање на купопродажната цена е 30 дена од денот на склучување на договорот за купопродажба.

Доколку најповолниот понудувач не ги уплати средствата во определениот рок, ќе се смета дека подвижниот имот не е продаден и гаранцијата за учество на усното јавно наддавање нема да му биде вратена.

Најповолниот понудувач се обврзува да ги плати сите даноци и трошоци кои ќе произлезат како обврска врз основа на склучениот договор за продажба на моторно возило.

Плаќањето на давачките поврзани со преносот на сопственоста е на товар на купувачот.

Народна банка на Република Северна Македонија

Комисијата за продажба на подвижен имот - патнички моторни возила                   

1.Претседател – Емил Јанчевски

2.Член – Антица Панева-Петрова

3.Член – Ангел Змејков

Скопје, 17 февруари 2021 година